پاک بحریہ کے جہاز پی این ایس ذوالفقار کا ریجنل میری ٹائم سیکیورٹی پٹرول کے دوران جبوتی کا دورہ

پاک بحریہ کا جبوتی کا دورہ

راولپنڈی (ڈیلی پاکستان آن لائن) پاکستان بحریہ کے جہاز پی این ایس ذوالفقار نے ریجنل میری ٹائم سیکیورٹی پیٹرول کے دوران جبوتی کا دورہ کیا۔ بندرگاہ آمد پر جبوتی بحریہ کے حکام نے پاک بحریہ کے جہاز کا استقبال کیا۔

یہ بھی پڑھیں: امریکہ اور اسرائیل کے حملے کا جواب دینے کی تیاری کر رہے ہیں، جو تباہ کن ہو گا: ایرانی عہدیدار

ملاقاتیں اور پیشہ ورانہ تبادلہ خیال

آئی ایس پی آر کے مطابق کمانڈنگ آفیسر پی این ایس ذوالفقار نے میزبان بحری حکام سے ملاقاتیں کیں اور کمانڈر جبوتی بحریہ اور کوسٹ گارڈز کے ساتھ پیشہ ورانہ امور پر تبادلہ خیال کیا۔

یہ بھی پڑھیں: مقبوضہ کشمیر میں بھارتی فوجی ٹرک کھائی میں گر کر تباہ، 3 اہلکار ہلاک

مشترکہ بحری مشق

دورہ کے اختتام پر جبوتی کوسٹ گارڈز کے ساتھ مشترکہ بحری مشق کا انعقاد کیا گیا۔ مشق کا مقصد مشترکہ آپریشنز کی صلاحیت اور باہمی تعاون کو مزید بہتر بنانا تھا。

یہ بھی پڑھیں: پی سی بی نے قومی سلیکشن کمیٹی میں ردو بدل کرنے کا فیصلہ کر لیا، نجی نیوز چینل کا دعویٰ

دورے کے اثرات

آئی ایس پی آر کے مطابق پاکستان اور جبوتی کی بحری افواج کے مابین دوطرفہ روابط دونوں برادر ممالک کے درمیان سفارتی تعلقات میں بنیادی حیثیت رکھتے ہیں۔

یہ بھی پڑھیں: دھی رانی پروگرام کا تیسرا مرحلہ، خانیوال میں 127 مسلمان اور 10 مسیحی جوڑوں کی اجتماعی شادی کی تقریب

مقامی کمیونٹی کے ساتھ تبادلے

جبوتی میں قیام کے دوران، مختلف ممالک کے سفیروں، دفاعی اتاشی، جبوتی کی اعلیٰ سول و عسکری قیادت کے ساتھ مقامی اور پاکستانی کمیونٹی نے بھی جہاز کا دورہ کیا۔

رشتہ کا مزید فروغ

آئی ایس پی آر کے مطابق اس دورے سے دونوں ممالک کے مابین تعلقات کو مزید فروغ ملے گا۔