ورلڈ ٹریڈ سینٹر دبئی میں گلفوڈ مینوفیکچرنگ 2024 کے 10ویں ایڈیشن میں پاکستان کی بھر پور شرکت

گلفوڈ مینوفیکچرنگ 2024 کا افتتاح

دبئی (طاہر منیر طاہر) — ٹریڈ ڈویلپمنٹ اتھارٹی آف پاکستان (TDAP) کے چیف ایگزیکٹومسٹر زبیر موتی والا اور سفیر پاکستان برائے متحدہ عرب امارات فیصل نیاز ترمذی نے ورلڈ ٹریڈ سینٹر دبئی میں گلفوڈ مینوفیکچرنگ 2024 کے 10ویں ایڈیشن کا دبئی میں پاکستان پویلین کا افتتاح کیا۔ اس موقع پر قونصلیٹ جنرل آف پاکستان دبئی کے قونصل جنرل حسین محمد اور کمرشل قونصلر علی زیب خان بھی موجود تھے۔

یہ بھی پڑھیں: حکومت نے فی لٹر پٹرول پر 20 روپے 97 پیسے لیوی بڑھادی

پاکستان کی پہلی بار شرکت

اس موقع پر ٹریڈ ڈویلپمنٹ اتھارٹی آف پاکستان (TDAP) کے چیف ایگزیکٹومسٹر زبیر موتی والا نے کہا کہ پاکستان پہلی بار گلفوڈ پروسیسنگ میں حصہ لے رہا ہے۔ یہ ایک شاندار تجربہ ہے اور مجھے بے حد خوشی ہے کہ پاکستانی نمائش کنندگان اپنی پیکیجنگ اور فوڈ پروسیسنگ کی صلاحیتوں کو دکھانے کے لیے اس موقع سے فائدہ اٹھانے کے لیے یہاں موجود ہیں۔

یہ بھی پڑھیں: اس میں کیا حرج ہے کہ افغانستان سامنے آکر کہے پاکستان میں دہشتگردی کرنے والے مجرم ہیں: طلال چوہدری

نمائش کی تفصیلات

سفیر پاکستان برائے متحدہ عرب امارات فیصل نیاز ترمذی نے کہا کہ TDAP کی چھتری تلے پاکستان سے 21 نمائش کنندگان جبکہ 8 کمپنیاں نمائش میں خوراک اور مشروبات کی صنعت کے لیے خوراک کے اجزاء، پروسیسنگ اور پیکجنگ، پرنٹنگ، لیبلنگ اور سپلائی چین سلوشنز کی نمائش کے لیے آزادانہ طور پر شرکت کر رہی ہیں۔

یہ بھی پڑھیں: عمران خان کی دائیں آنکھ کی ریٹینل وین بند ہونے کی تشخیص ہوئی ہے، ڈائریکٹر پمز

گلفوڈ مینوفیکچرنگ کی اہمیت

گلفوڈ مینوفیکچرنگ ایک عالمی نمائش ہے جو مینوفیکچرنگ انڈسٹری کے لیے ڈیجیٹل اپنانے اور اختراعات کے ذریعے فوڈ مینوفیکچرنگ اور پروسیسنگ کے اگلے دور کی نقاب کشائی کرتی ہے۔ اس سال اس میگا ایونٹ میں دنیا بھر کے 60 سے زائد ممالک سے 1,200 سے زائد سپلائرز شرکت کر رہے ہیں۔

یہ بھی پڑھیں: بنگلا دیش کی بیمان ایئر لائنز کو ہفتہ وار تین پروازیں آپریٹ کرنے کی اجازت دیدی گئی

پاکستانی پویلین کا دورہ

چیف ایگزیکٹو ٹی ڈی اے پی، سفیر پاکستان، قونصل جنرل اور کمرشل قونصلر نے پاکستانی پویلین کے تمام سٹالز کا دورہ کیا اور نمائش کنندگان سے تفصیلی بات چیت کی۔