سموگ ختم کرنے کیلئے ہمیں اپنے لائف سٹائل میں تبدیلی لانا ہوگی: عظمیٰ بخاری

وزیراطلاعات پنجاب کا بیان

لاہور (ڈیلی پاکستان آن لائن) وزیراطلاعات پنجاب عظمیٰ بخاری نے کہا ہے کہ سموگ کو کم کرنے کیلئے ہمیں اپنے لائف سٹائل میں تبدیلی لانا ہوگی۔

یہ بھی پڑھیں: خیبرپختونخوا کے سیلاب متاثرہ علاقوں میں مختلف انفیکشنز کے مزید 5 ہزار 111 نئے کیس رپورٹ

تشویشناک صورتحال

ایک بیان میں صوبائی وزیر نے کہاکہ ملتان اور فیصل آباد کے حوالے سے میرے لیے بھی خبریں آج تشویشناک ہیں۔ فیصل آباد ویسے بھی انڈسٹریل سٹیٹ ہے۔ ہماری پوری حکومتی مشینری سڑکوں پر کھڑی ہے، گزشتہ 8 ماہ میں سینکڑوں بھٹوں میں سے کئی مسمار کئے گئے۔ ہم بھٹوں کو زگ زیگ ٹیکنالوجی پر لارہے ہیں، جو اس ٹیکنالوجی پر نہیں جائیں گے وہ پنجاب میں کام نہیں کرسکیں گے۔

یہ بھی پڑھیں: لاہور میں سموگ کے نئے سپیل کا خطرہ، ریڈ الرٹ جاری

عالمی تناظر

انہوں نے کہا کہ ایسا نہیں کہ سموگ صرف پاکستان میں ہے، باقی ممالک میں نہیں۔ بیجنگ آخری 26 سالوں سے سموگ سے مقابلہ کررہا ہے، وہ بھی سموگ میں کمی لانے کی کوشش کررہے ہیں، وہ لوگ اپنی انڈسٹری کو بیجنگ سے دور لے کر جارہے ہیں۔

یہ بھی پڑھیں: کراچی: ڈیفنس موڑ کے قریب تیز رفتار ڈمپر بنگلے میں گھس گیا

حکومت کے اقدامات

ان کا کہنا تھا کہ حکومت پاکستان بھی سموگ والے مسئلے پر اقدامات کررہی ہے، دہلی کی حکومت کو بھی اقدامات کرنا ہوں گے۔ بھارت بھی سموگ کے معاملے پر فکرمند ہے۔

یہ بھی پڑھیں: انڈین میڈیا جو بولتا ہے پی ٹی آئی کا پروپیگنڈہ سیل اسی کو پھیلاتا ہے: عظمیٰ بخاری

بھارت کے ساتھ تعاون

عظمیٰ بخاری کا کہنا تھا کہ چین بھی بہت بڑا ملک ہے، ان کے شہر سے باہر انڈسٹریز لگ سکتی ہیں۔ ہمارے شہر کے باہر دوسرا شہر شروع ہوجاتا ہے۔ سموگ کو کنٹرول کرنے کیلئے تمام اقدامات کئے جارہے ہیں۔ بھارت کو لکھا خط فارن آفس چلا گیا ہے یا نہیں، اس کو چیک کرنا ہوگا۔

یہ بھی پڑھیں: کراچی میں مسلسل زلزلے کیوں آ رہے ہیں؟ آخر کار اصل وجہ سامنے آگئی

مل کر کام کرنے کی ضرورت

صوبائی وزیر نے کہا کہ بھارت بھی سموگ والے معاملے پر کام کرنے کیلئے تیار ہے۔ ہمیں ایک دوسرے کے ساتھ مل کر کام کرنا ہوگا۔ اگر سموگ ڈپلومیسی شروع ہوجائے تو اس سے بہتر کوئی بات نہیں ہوسکتی۔ سموگ پر کام بھارت کو بھی کرنا ہوگا، ان کے پاس اور کوئی چوائس نہیں، ہمیں بھی اپنے لوگوں کو مرنے سے بچانا ہوگا۔