لاہور: پولیس مقابلے میں 4 ڈاکو ہلاک، ایس ایچ او اور کانسٹیبل زخمی

پولیس مقابلہ: لاہور میں 4 ڈاکو ہلاک

لاہور (ڈیلی پاکستان آن لائن) لاہور میں مبینہ پولیس مقابلے میں 4 ڈاکو ہلاک ہوگئے۔

واقعہ کی تفصیلات

نجی ٹی وی جیونیوز نے پولیس کے حوالے سے بتایا کہ گرین ٹاون کے علاقے میں ہلاک ہونے والے ڈاکو بینکوں کی وارداتوں میں ملوث تھے۔

پولیس کارروائی

پولیس نے بتایا کہ ایک گھر میں چھپے ڈاکوو¿ں کی اطلاع ملنے پر پولیس نے مکان کو گھیرے میں لے لیا۔ اس دوران ڈاکووں اور پولیس کے درمیان فائرنگ کا تبادلہ بھی ہوا، جس کے نتیجے میں 4 ڈاکو ہلاک ہو گئے۔

زخمی اہلکار

پولیس کے مطابق مقابلے میں ایس ایچ او اور کانسٹیبل بھی زخمی ہوئے جنہیں فوری طبی امداد کے لئے ہسپتال منتقل کردیا گیا۔