جیل سے رہائی پانے والے کارکنان وزیراعلیٰ خیبر پختونخوا کے ساتھ مختصر ملاقات اور صرف ایک ہزار روپے ملنے پر سیخ پا، احتجاج شروع کردیا

کارکنوں کی ناراضگی کا مسئلہ

پشاور (ویب ڈیسک) جیل سے رہائی پانے والے پاکستان تحریک انصاف کے کارکن وزیراعلیٰ خیبر پختونخوا کے ساتھ مختصر ملاقات اور ایک ہزار روپے ملنے پر سیخ پا ہوگئے۔

یہ بھی پڑھیں: بنگلہ دیش میں عام انتخابات کب ہوں گے؟ عبوری حکومت کے سربراہ نے “صاف جواب” دیا

احتجاج کا واقعہ

گزشتہ روز وزیر اعلیٰ ہاؤس پشاور میں تحریک انصاف کے کارکنان نے احتجاج کیا۔ جیل سے رہائی کے بعد کارکنان وزیراعلیٰ سے ملاقات کیلئے آئے تھے۔ کارکنان کا کہنا تھاکہ وزیراعلیٰ نے تین گھنٹے انتظار کروایا اور 5 منٹ ملاقات کرکے چلے گئے۔

یہ بھی پڑھیں: ویرات کوہلی نے ورلڈ ریکارڈ میں اپنا نام لکھوا لیا ، بڑی کامیابی

رقم کی تقسیم پر اعتراض

ذرائع نے بتایاکہ وزیراعلیٰ کے کارکنوں کو ایک ایک ہزار روپے دینے پر ورکرز طیش میں آگئے، وزیر اعلیٰ مختصر گفتگو کے بعد واپس جانے لگے تو کارکنان نے نعرے لگائے۔

یہ بھی پڑھیں: بنگلورو: 7 منزلہ زیر تعمیر عمارت منہدم، کئی مزدور پھنس گئے ، 1ہلاک

عزت کا مطالبہ

کارکنوں نے وزیر اعلیٰ ہاؤس میں "کارکن کو عزت دو" کے نعرے لگائے۔ کارکنان کا کہنا تھا کہ ہم بانی پی ٹی آئی کی رہائی کی تحریک میں گرفتار ہوئے، ایک ایک ہزار روپے کیلئے نہیں۔

یہ بھی پڑھیں: ستاروں کی روشنی میں آپ کا آج (جمعہ) کا دن کیسا رہے گا؟

ریجنل صدر کا بیان

جیو نیوز کے مطابق ریجنل صدر پی ٹی آئی ارباب محمد عاصم کا کہناتھا کہ گزشتہ روز کارکنوں کیلئے وزیر اعلیٰ ہاؤس میں تقریب کا اہتمام کیا گیا، تقریب میں کچھ ورکرز ناراض ہوسکتے ہیں۔

یہ بھی پڑھیں: لاہور میں سموگ کے باعث جمعہ اور ہفتہ کو سکول، کالجز اور یونیورسٹیز بند کرنے کی تجویز

نعرے اور حالات

انہوں نے کہا کہ ویڈیو دیکھی ہے، کچھ ورکرز نعرے لگا رہے تھے، جب وزیراعلیٰ موجود تھے اس وقت کوئی نعرے نہیں لگے، ویڈیو میں اندھیرا ہے اور سی ایم اندھیرا چھانے سے پہلے چلے گئے تھے۔

ناراض کارکنوں کی صورت حال

ارباب عاصم کا کہناتھا کہ ہوسکتا ہے ورکرز کی آپس میں بات ہوئی ہو اور ناراض ہوئے ہوں، ہم نے ورکرز کو عزت دی اور ان کو چائے پلائی، سیاسی پارٹیوں میں ناراض ورکرز معمولی سی بات ہے۔