ون ڈے سیریز، دوسرے میچ میں بنگلا دیش نے افغانستان کو شکست دے دی

بنگلا دیش کی شاندار فتح

شارجہ (ڈیلی پاکستان آن لائن) بنگلا دیش نے افغانستان کو دوسرے ایک روزہ میچ میں 68 رنز سے شکست دے دی۔

یہ بھی پڑھیں: سمندر کے راستے غیرقانونی طریقے سے ایران جانے کی کوشش کرنے والے 60 ملزم گرفتار

میچ کی تفصیلات

ایکسپریس نیوز کے مطابق شارجہ میں کھیلے گئے سیریز کے دوسرے میچ میں بنگلا دیش نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 7 وکٹوں پر 252 رنز سکور کیے۔

یہ بھی پڑھیں: سینیٹ میں قائدِ ایوان کی 6 سال میں سب سے کم 28 فیصد حاضری رہی: پلڈاٹ

بنگلا دیش کے بلے بازوں کی کارکردگی

بنگلا دیش کی جانب سے کپتان نجم الحسین شانتو نے 76 رنز بنائے۔ دیگر کھلاڑیوں میں سومیا سرکار نے 35، نسم احمد 25، تنزید حسن 22، مہدی حسن میراز 22، توحید ہریدوئے 11، اور محمد اللہ 3 رنز بنا کر آؤٹ ہوئے۔ ذاکر علی 37 اور تسکین احمد 2 رنز بنا کر ناٹ آؤٹ پویلین لوٹے۔

یہ بھی پڑھیں: ٹک ٹاک بناتے ہوئے ٹرین کی زد میں آکر دو لڑکیاں جاں بحق

افغانستان کی بولنگ

افغانستان کی جانب سے ننگیالیا خروٹے نے 3 جبکہ راشد خان اور اے ایم غضنفر نے 2، 2 وکٹیں حاصل کیں۔

یہ بھی پڑھیں: مقامی اور عالمی منڈی میں سونے کی قیمت میں کمی

افغانستان کا ہدف کا تعاقب

ہدف کے تعاقب میں افغانستان کی ٹیم 44 ویں اوور میں 184 رنز بنا کر آؤٹ ہوگئی۔ رحمت شاہ 52 رنز بنا کر نمایاں رہے۔ صدیق اللہ اٹل 39، گلبدین نائب 26، محمد نبی 17، کپتان حشمت اللہ شاہدی 17، راشد خان 14، نینگیالیا خروٹے 4، رحمان اللہ گرباز 2، اے ایم غضنفر 1 اور عظمت اللہ عمرزئی 0 رن بنا کر آؤٹ ہوئے۔

بنگلا دیش کے بولرز کی کارکردگی

بنگلا دیش کی جانب سے نسم احمد نے 3 وکٹیں حاصل کیں، جبکہ مہدی حسن میراز اور مستفیض الرحمان نے 2، 2 وکٹیں حاصل کیں۔ تسکین احمد اور سریف الاسلام نے 1، 1 وکٹ حاصل کی۔