پنجاب کے میدانی علاقوں میں شدید سموگ اور دھند کے باعث موٹر وے بند

شدید دھند کی وجہ سے موٹر وے بند
لاہور (ڈیلی پاکستان آن لائن) پنجاب کی میدانی علاقوں میں شدید دھند کے باعث موٹروے ایم4 پنڈی بھٹیاں سے عبدالحکیم تک بند کردیا گیا۔
یہ بھی پڑھیں: بانی نے کہا ہے مذاکرات انہی سے ہونگے جن کے پاس اصل طاقت ہے،وکیل فیصل چودھری
محفوظ سفر کے لئے ہدایت
ترجمان موٹروے پولیس سید عمران احمد کا کہنا ہے کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔ روڈ یوزرز کو مشورہ دیا جاتا ہے کہ وہ زیادہ سے زیادہ دن کے اوقات پر سفر کرنے کو ترجیح دیں۔
یہ بھی پڑھیں: ایئر انڈیا کی دبئی سے دہلی جانے والی پرواز سے کارتوس برآمد
بہترین سفری اوقات
صبح 10 سے شام 6 بجے تک دھند کے موسم میں بہترین سفری اوقات ہیں۔ ترجمان موٹروے پولیس کا کہنا ہے کہ روڈ یوزرز آگے اور پیچھے دھند والی لائٹس کا استعمال کریں، غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں۔
مزید معلومات اور مدد
روڈ یوزرز معلومات اور مدد کے لیے ہیلپ لائن 130 سے رابطہ کریں۔