سلمان اکرم راجہ کی نامزدگی نے نیا تنازہ کھڑا کر دیا، کیا عمران خان نے اپنے پارٹی آئین کی خلاف ورزی کی۔۔۔؟ تہلکہ خیز انکشاف

سلمان اکرم راجہ کی نامزدگی پر نیا تنازہ

اسلام آباد (خصوصی رپورٹ) سلمان اکرم راجہ کی نامزدگی نے ایک نیا تنازہ کھڑا کر دیا ہے۔ کیا عمران خان نے اپنے پارٹی آئین کی خلاف ورزی کی۔۔۔؟ اس حوالے سے تہلکہ خیز انکشاف ہوا ہے۔

یہ بھی پڑھیں: کنونشن سینٹر کے نجی استعمال پر ازخود نوٹس کیس: اٹارنی جنرل آفس سے جواب طلب

پی ٹی آئی کے آئین کے خلاف اقدامات

سینئر صحافی و تجزیہ کار انصار عباسی کی روزنامہ "جنگ" میں شائع ہونے والی رپورٹ کے مطابق، پاکستان تحریک انصاف کا آئین سلمان اکرم راجہ کو پی ٹی آئی کا سیکرٹری جنرل تسلیم نہیں کرتا۔ ایک ذریعے نے "دی نیوز" کو بتایا کہ پارٹی کے آئین میں کسی شخص کی بطور سیکرٹری جنرل "نامزدگی" کی کوئی شق نہیں ہے، جو پینل آف سیکرٹری جنرل کی پارٹی کے طور پر منتخب نہ ہوا ہو۔ اس اہم ترین عہدے کے خالی ہونے کی صورت میں صرف ایڈیشنل سیکرٹری جنرل ہی سیکرٹری جنرل کے عہدے سنبھال سکتا ہے۔

یہ بھی پڑھیں: فلپائن: سمندری طوفان ٹرامی سے تباہی، 40 افراد ہلاک، ہزاروں بے گھر

عمر ایوب کا استعفیٰ

ذرائع کا کہنا ہے کہ پارٹی کے منتخب سیکرٹری جنرل عمر ایوب کو ڈی نوٹیفائی نہیں کیا گیا اور نہ ہی سلمان اکرم راجہ کو ان کے متبادل کے طور پر مقرر کرنے کا باضابطہ نوٹیفکیشن جاری کیا گیا۔ عمر ایوب نے پارٹی کے اس اہم عہدے سے استعفیٰ دے دیا تھا، لیکن یہ استعفیٰ باضابطہ طور پر منظور نہیں کیا گیا۔

یہ بھی پڑھیں: جس طرح ترمیم ہو رہی ہے وہ جرم ہے، ہم اس کا حصہ نہیں بنیں گے، علی ظفر

عمران خان کی ہدایت

پی ٹی آئی کے بانی چیئرمین عمران خان کی ہدایت پر سلمان اکرم راجہ اس وقت سیکرٹری جنرل کے عہدے پر کام کر رہے ہیں، لیکن قانوناً اس عہدے کو کوئی تحفظ حاصل نہیں۔ یہ اقدام تحریک انصاف کے آئین کے خلاف ہے۔

یہ بھی پڑھیں: زندگی بدلنے والی سبق آموز داستان

بیرسٹر گوہر علی خان کا رد عمل

پارٹی چیئرمین بیرسٹر گوہر علی خان سے رابطہ کرنے پر انہوں نے تصدیق کی کہ سلمان اکرم راجہ کی بطور سیکرٹری جنرل تقرری کا نوٹیفکیشن جاری نہیں کیا گیا۔ انہوں نے کہا کہ یہ پارٹی کا اندرونی معاملہ ہے اور اتنا اہم نہیں کہ میڈیا اس پر توجہ مرکوز رکھے۔

یہ بھی پڑھیں: تحریک انصاف کی آل پارٹیز کانفرنس میں غیرموجودگی: اہم انکشافات

پی ٹی آئی کے آئین کی خلاف ورزی

رپورٹ کے مطابق ذرائع کا اصرار ہے کہ یہ ایک سنگین غیر قانونی اقدام ہے اور پی ٹی آئی کے آئین کی خلاف ورزی ہے۔ پی ٹی آئی کے ایک ذریعے کے مطابق، پارٹی کا آخری مروجہ آئین مئی 2019ء کا تھا۔ اس میں جون 2022ء میں ترمیم کی گئی، لیکن الیکشن کمیشن نے انٹر پارٹی انتخابات کو درست ماننے سے انکار کرتے ہوئے سرٹیفکیٹ کا اجراء روک دیا۔

تنظیم کی ساخت

2019ء کے آئین کے تحت، پی ٹی آئی کی تنظیم دو سطحوں پر مشتمل ہے۔ سیکرٹری جنرل، ایڈیشنل سیکرٹری جنرل، ڈپٹی سیکرٹری جنرل اور جوائنٹ سیکرٹری جنرل کے عہدوں پر انتخاب "پینل کی بنیاد پر" خفیہ رائے شماری کے ذریعے تین سال کیلئے ہوگا۔ اگر سیکرٹری جنرل کسی بھی وجہ سے اپنے فرائض انجام دینے سے قاصر ہو، تو ایڈیشنل سیکرٹری جنرل مکمل کنٹرول سنبھالے گا۔ پی ٹی آئی کے آئین میں سیکرٹری جنرل کے طور پر "نامزدگی" کی کوئی شق نہیں ہے، جس کا مطلب یہ ہوا کہ سلمان اکرم راجہ کی بطور پارٹی سیکرٹری جنرل کوئی حیثیت نہیں۔