ایک روز بڑی کمی کے بعد سونا آج پھر مہنگا ہوگیا

سونے کی قیمتوں میں تبدیلی

کراچی(ڈیلی پاکستان آن لائن) سونے کی عالمی اور مقامی قیمتوں میں گزشتہ روز ہونے والی بڑی کمی کے بعد آج قیمتوں میں ایک بار پھر اضافہ ہوگیا۔

یہ بھی پڑھیں: 1 مئی جلاﺅ گھیراﺅ کیس: پی ٹی آئی کے مزید 6 شرپسندوں پر فرد جرم عائد، 42پر پہلے ہی لگ چکی

عالمی مارکیٹ میں سونے کی قیمت

بین الاقوامی بلین مارکیٹ میں فی اونس سونے کی قیمت میں 14 ڈالر کا اضافہ ہوگیا، جس کے نتیجے میں نئی عالمی قیمت 2607 ڈالر فی اونس کی سطح پر آگئی۔

یہ بھی پڑھیں: بلوچستان کے علاقے ژوب میں سیلابی میں بہہ کر تین بچیاں اور خاتون جاں بحق ہوگئیں

مقامی قیمتوں میں اضافہ

مقامی صرافہ بازاروں میں بدھ کے روز 24 قیراط کے حامل فی تولہ سونے کی قیمت میں 1400 روپے کا اضافہ ریکارڈ ہوا، جس کے بعد نئی قیمت 2 لاکھ 71 ہزار 900 روپے فی تولہ ہو گئی۔ اسی طرح ملک میں فی 10 گرام سونے کی قیمت میں بھی 1200 روپے کا اضافہ ہوا، جس سے نئی قیمت 2 لاکھ 33 ہزار 111 روپے فی 10 گرام ہو گئی۔

چاندی کی قیمت میں استحکام

دریں اثنا، ملک میں سونے کی قیمت میں اضافے کے برعکس فی تولہ چاندی کی قیمت بغیر کسی تبدیلی کے 3250 روپے اور 10 گرام چاندی کی قیمت بھی بغیر کسی تبدیلی کے 2786 روپے کی سطح پر مستحکم رہی۔