کراچی میں گھر سے خاتون کی گلا کٹی لاش برآمد

کراچی میں خاتون کا قتل

کراچی (ویب ڈیسک) کراچی کے علاقے شاہ لطیف ٹاؤن میں گھر سے خاتون کی گلا کٹی لاش برآمد ہوئی ہے، مقتولہ کو اس کے شوہر نے منصوبہ بندی کرکے قتل کیا۔

یہ بھی پڑھیں: آئینی ترمیم، سینیٹ میں حکومت کے پاس صرف ایک ووٹ کم ہے، نجی ٹی وی کا دعویٰ

مقتولہ کی تفصیلات

نجی ٹی وی ایکسپریس نیوز کے مطابق، شاہ لطیف ٹاؤن میں گھر سے خاتون کی گلا کٹی لاش ملی۔ پولیس نے مقتولہ کے شوہر کو آلہ قتل سمیت گرفتار کر لیا۔ مقتولہ 5 بچوں کی ماں تھی اور اس کا آبائی تعلق لاڑکانہ سے تھا۔ شاہ لطیف ٹاؤن کے علاقے سیکٹر 16/A منگل بازار کے قریب گھر سے خاتون کی لاش ملی۔ اطلاع ملنے پر شاہ لطیف تھانے کی پولیس موقع پر پہنچی اور جاں بحق ہونے والی خاتون کی لاش کو چھیپا ایمبولینس کے ذریعے جناح ہسپتال منتقل کیا گیا۔

یہ بھی پڑھیں: کراچی میں سیکیورٹی گارڈ کی فائرنگ سے 2 چینی شہری زخمی، ایک کی حالت تشویشناک

پولیس کی تحقیقات

پولیس کے مطابق، مقتولہ کی شناخت 43 سالہ پروین زوجہ علی حسن شیخ کے نام سے کی گئی۔ مقتولہ کے بچوں کو 3 روز قبل لاڑکانہ بھیجا گیا تھا۔ ایس ایچ او شاہ لطیف انسپکٹر ممتاز مروت نے بتایا کہ واقعے کے وقت مقتولہ گھر میں اکیلی تھی اور دو منزلہ مکان کے گراؤنڈ فلور پر رہائش پذیر تھی جبکہ بالائی منزل پر مالک مکان رہتا ہے۔

یہ بھی پڑھیں: سونا 2ہزار روپے فی تولہ مہنگا، قیمت ملکی تاریخ کی نئی بلند ترین سطح پر پہنچ گئی

واقعہ کی تفصیلات

مالک مکان نے اوپر سے اترتے ہوئے روشن دان سے دیکھا کہ خاتون خون میں لت پت پڑی ہوئی ہے جس پراس نے فوری طور پر مددگار 15 پر پولیس کو اطلاع دی۔ شاہ لطیف تھانے کی پولیس جب گھر پہنچی تو خاتون کی چار پائی پر لاش پڑی ہوئی تھی اور سر تن سے جدا تھا۔ علاقہ پولیس نے فوری طور پر پولیس کے فارنزک ڈیپارٹمنٹ کے ماہر اہلکاروں کو طلب کر لیا۔ فارنزک ڈپیارٹمنٹ کے اہلکاروں نے جائے وقوعہ سے اہم شواہد اور فنگر پرنٹس اکھٹے کر لیے۔ پولیس نے گھر کے عقبی حصے کی تلاشی لی تو وہاں مقتولہ کا شوہر چھپا بیٹھا تھا، جس کے کپڑے خون میں لت پت تھے اور آلہ قتل تیز دھار چھری بھی پڑی ہوئی تھی۔

ملزم کی گرفتاری

پولیس نے مقتولہ کے شوہر کو فوری طور پر حراست میں لے کر تھانے منتقل کیا۔ ابتدائی تحقیقات میں علی حسن شیخ نے اپنی بیوی کے قتل کا اعتراف کرتے ہوئے بتایا کہ اس کی بیوی کی نعمان نامی لڑکے سے دوستی تھی۔ متعدد بار اس نے نعمان سے ملنے کو منع کیا تھا، تاہم وہ نہیں مانی، جس پر اس نے چند روز پہلے اپنی اہلیہ پروین کو قتل کرنے کی منصوبہ بندی کی اور بچوں کا لاڑکانہ آبائی گاؤں بھیجا۔ منگل اور بدھ کی درمیانی شب سوتے میں اس نے پروین کو ذبح کر دیا۔ پولیس نے ملزم کے اعترافی بیان پر اسے باقاعدہ گرفتار کر لیا۔