پروموشن کے منتظر انگلش ٹیچرز کی سنی گئی

وزیر تعلیم کی خصوصی ہدایت

لاہور (ڈیلی پاکستان آن لائن ) وزیر تعلیم رانا سکندر حیات کی خصوصی ہدایات پر محکمہ تعلیم پنجاب نے سرکاری سکولوں میں تعینات انگلش ٹیچرز کو سنیارٹی کا حق دیتے ہوئے سنیارٹی لسٹیں تیار کرنے کی ہدایت کر دی۔

یہ بھی پڑھیں: عمران خان کا اختتام بانی ایم کیو ایم جیسا ہوگا، فیصل واوڈا

سنیارٹی کے حوالے سے ہدایات

ایجوکیشن ڈیپارٹمنٹ نے 1995 سے 1997 کے دوران بھرتی ہونے والے گریجویٹ انگلش ٹیچرز کو بنیادی سروس جوائننگ سے سنیارٹی دینے کے حوالے سے پنجاب بھر کے سی ای اوز، ڈسٹرکٹ ایجوکیشن اتھارٹیز کو ایڈوائس جاری کر دی۔

انگلش ٹیچرز کا حق

تمام انگلش ٹیچرز کو سنیارٹی کا دیرینہ حق ملنے پر انگلش ٹیچرز ایسوسی ایشن پنجاب کے رہنماؤں محمود الحسن، عبد الرزاق باجوہ، صادق کنگنہ، عارف مسعود، قاضی محمود احمد ہاشمی، ذنوبیہ میری اور دیگر نے سیکرٹری ایجوکیشن خالد نذیر وٹو کا شکریہ ادا کرتے ہوئے اس امید کا اظہار کیا کہ پنجاب بھر کے ضلعی تعلیمی افسران محکمانہ ہدایات کی روشنی میں سنیارٹی لسٹوں میں انگلش ٹیچرز کو بھی شامل کر کے پروموشن لیٹرز جاری کریں گے۔