مذاکرات کا کوئی فائدہ نہیں ، علی محمد خان نے عمران خان کی رائے بتا دی

علی محمد خان کا بیان

اسلام آباد(ڈیلی پاکستان آن لائن) پاکستان تحریک انصاف (پی ٹی آئی) کے رہنما علی محمد خان کا کہنا ہے کہ بانی نے کہا مجھے نہیں لگتا مذاکرات کا کوئی فائدہ ہے، انہوں نے کہا براہ راست بات ہوگی تو مجھ سے ہوگی۔

یہ بھی پڑھیں: اسلام آباد ہائیکورٹ کے جسٹس میاں گل حسن اورنگزیب ڈینگی بخار میں مبتلا

ملاقاتوں کی بحالی

جیو نیوز کے پروگرام میں گفتگو کرتے ہوئے علی محمد خان نے کہا کہ بانی پی ٹی آئی سے ملاقاتیں کافی حد تک بحال ہوچکی ہیں، اب بانی پی ٹی آئی سے وکلاء کی ملاقاتیں ہو جاتی ہیں۔ رہنما تحریک انصاف نے کہا کہ عمر ایوب، شبلی فراز اور دیگر ملاقات کے لیے گئے تھے لیکن ملنے نہیں دیا گیا، گزشتہ ملاقات میں بانی پی ٹی آئی سے مذاکرات کا پوچھا تھا، بانی پی ٹی آئی نے کہا کہ براہ راست بات ہوگی تو مجھ سے ہوگی۔

احتجاج کا فیصلہ

علی محمد خان نے کہا کہ بانی پی ٹی آئی نے 24 نومبر کے احتجاج کا فیصلہ کیا، اب بال حکومت کے کورٹ میں ہے ان کے پاس کچھ دن ہیں، دیکھتے ہیں۔ انہوں نے کہا کہ لوگ بانی پی ٹی آئی کی وجہ سے نکلتے ہیں، بانی پی ٹی آئی نے کہا کہ اس بار 8 فروری سے زیادہ لوگ نکلیں گے۔