محکمہ داخلہ پنجاب کا مرکزی کمیٹی روم خالد شیر دل شہید کے نام منسوب

محکمہ داخلہ پنجاب کا کمیٹی روم خالد شیر دل شہید کے نام منسوب

لاہور (ڈیلی پاکستان آن لائن) محکمہ داخلہ پنجاب کا مرکزی کمیٹی روم خالد شیر دل شہید کے نام منسوب کر دیا گیا۔ چیف سیکرٹری پنجاب زاہد اختر زمان نے محکمہ داخلہ کے کمیٹی روم میں نصب تختی کی نقاب کشائی کی۔ وزیراعظم کے کوارڈینیٹر برائے نیشنل ہیلتھ سروسز ڈاکٹر مختار احمد بھرتھ نے تقریب میں خصوصی شرکت کی۔ سیکرٹری داخلہ پنجاب نور الامین مینگل اور سیکرٹری خزانہ مجاہد شیر دل بھی چیف سیکرٹری کے ہمراہ تھے۔

یہ بھی پڑھیں: شادی میں بلا کر تین افراد نے مقامی فنکارہ کو مبینہ طور پر اجتماعی زیادتی کا نشانہ بنا دیا

خالد شیر دل شہید کی خدمات

خالد شیر دل شہید کا تعلق پاکستان ایڈمنسٹریٹو سروس کے 24ویں کامن سے تھا۔ خالد شیر دل ایڈیشنل سیکرٹری داخلہ پنجاب کے عہدے پر بھی فائز رہے۔ خالد شیر دل 2020 میں فضائی حادثے میں شہید ہو گئے تھے۔ تقریب کے شرکاء نے خالد شیر دل کی خدمات کو سنہری حروف میں خراج تحسین پیش کیا۔

شرکاء کی فہرست

اس موقع پر ایڈیشنل چیف سیکریٹری پنجاب احمد رضا سرور، آئی جی پنجاب ڈاکٹر عثمان انور، سیکرٹری قانون آصف بلال لودھی، سیکرٹری پراسکیوشن احمد عزیز تارڑ، سیکرٹری سپیشل ایجوکیشن صائمہ سعید، سپیشل سیکرٹری داخلہ فضل الرحمان، سیکرٹری آئی اینڈ سی رفاقت نسوانہ، چیئرپرسن سی ایم انسپکشن ٹیم سمیرا صمد، ایڈیشنل آئی جی سپیشل برانچ ذوالفقار حمید اور ایڈیشنل آئی جی سی ٹی ڈی وسیم سیال بھی موجود تھے۔