نومبر کے مہینے میں ہی عمران خان باہر ہوگا

سردار لطیف کھوسہ کا بیان

اسلام آباد (مانیٹرنگ ڈیسک) رکن قومی اسمبلی تحریک انصاف سردار لطیف کھوسہ نے کہا ہے کہ 24 نومبر کو جب لوگ نکلیں گے تو یہ خس و خاشاک کی طرح بہہ جائیں گے۔ میں ابھی بھی قائم ہوں کہ نومبر کے مہینے میں ہی عمران خان باہر ہوگا اور یہ چور، ڈاکو، لٹیرے بھاگ جائیں گے۔ اگر اسٹیبلشمنٹ نیوٹرل ہوجائے تو یہ حکومت ایک دن نہیں رہ سکتی۔ اگر ایک دن بھی یہ حکومت رہ جائے تو میں سیاست چھوڑ دوں گا۔

یہ بھی پڑھیں: نائجیریا میں 3 منزلہ عمارت گر گئی، 7 افراد جاں بحق

ٹی وی پروگرام میں گفتگو

انہوں نے ان خیالات کا اظہار نجی ٹی وی کے پروگرام "کیپٹل ٹاک" میں میزبان حامد میر سے گفتگو کرتے ہوئے کیا۔ پروگرام میں سینیٹر فیصل واوڈا نے بھی شرکت کی۔

فیصل واوڈا کا نکتہ نظر

پروگرام میں سینیٹر فیصل واوڈا کا کہنا تھا کہ 9 مئی کے کچھ لوگ مسنگ ہیں جن کو اس دھرنے میں ڈھونڈا جائے گا۔ مراد سعید آگئے تو فیض حمید اور بانی پی ٹی آئی کو کوئی بندہ نہیں بچا سکتا۔