190ملین پاؤنڈ ریفرنس؛ مسلسل عدم پیشی پر بشریٰ بی بی کے ناقابل ضمانت وارنٹ گرفتاری جاری

راولپنڈی(ڈیلی پاکستان آن لائن) احتساب عدالت نے 190 ملین پاؤنڈ ریفرنس کیس میں مسلسل عدم پیشی پر بشریٰ بی بی کے ناقابل ضمانت وارنٹ گرفتاری جاری کردیئے۔

یہ بھی پڑھیں: 100 میل لمبی دھول کی دیوار، امریکہ میں شدید طوفان، گھر تک اڑ گئے، 21 افراد ہلاک، دل دہلا دینے والی ویڈیو سامنے آگئی

کیس کی سماعت کی تفصیلات

نجی ٹی وی چینل دنیا نیوز کے مطابق اڈیالہ جیل میں 190 ملین پاؤنڈ ریفرنس کیس کی سماعت ہوئی۔ احتساب عدالت کے جج ناصر جاوید رانا نے کیس کی سماعت کی۔ بشریٰ بی بی آج بھی عدالت پیش نہ ہوئیں، ملزمہ کے وکیل کی جانب سے طبی بنیادوں پر حاضری سے استثنیٰ کی درخواست دائر کی گئی۔

وارنٹ گرفتاری کی اجرائی

عدالت نے حاضری معافی کی درخواست مسترد کرتے ہوئے بشریٰ بی بی کے ناقابل ضمانت وارنٹ گرفتاری جاری کر دیئے۔ یہ وارنٹ مسلسل عدم حاضری کی وجہ سے جاری کئے گئے ہیں۔ کیس کی مزید سماعت 26 نومبر تک ملتوی کردی گئی۔