بنوں میں سیکیورٹی فورسز کا آپریشن ، 3 خوارج ہلاک، 2 زخمی، اسلحہ، گولہ بارود اور دھماکا خیز مواد برآمد

بنوں میں سیکیورٹی فورسز کا آپریشن

بنوں (ڈیلی پاکستان آن لائن) بنوں میں سیکیورٹی فورسز کے آپریشن میں 3 خوارج ہلاک اور 2 زخمی ہو گئے۔

یہ بھی پڑھیں: میکسیکو: میئر قتل، عہدہ سنبھالنے کے صرف 6 دن بعد

انٹیلی جنس بیسڈ کارروائی

پاک فوج کے شعبہ تعلقات عامہ (آئی ایس پی آر) کے مطابق، سیکیورٹی فورسز نے خوارج کی موجودگی کی اطلاع پر بنوں میں انٹیلی جنس بیسڈ آپریشن کیا۔ کارروائی کے نتیجے میں 3 خوارج ہلاک اور 2 زخمی ہوئے۔

یہ بھی پڑھیں: پنجاب کو سیاحتی ہب بنارہے ہیں ، انویسٹرز کو ویلکم کریں گے: وزیر اعلیٰ مریم نواز کی سپین کی سینیٹ کے وفد سے ملاقات میں گفتگو

خوارج کا پتہ لگانا اور اسلحہ برآمد کرنا

آئی ایس پی آر کے مطابق، سیکیورٹی فورسز نے خوارج کے ٹھکانے کا مؤثر انداز میں پتہ لگایا اور کارروائی کی۔ ہلاک خوارج کے قبضے سے اسلحہ، گولہ بارود اور دھماکا خیز مواد بھی برآمد کرلیا گیا۔ ہلاک خوارج سیکیورٹی فورسز کے خلاف دہشت گردی کی متعدد کارروائیوں اور معصوم شہریوں کی ٹارگٹ کلنگ میں ملوث تھے۔

کلیئرنس آپریشن

آئی ایس پی آر کے مطابق، علاقے میں پائے جانے والے کسی اور خارجی کو ختم کرنے کے لیے کلیئرنس آپریشن بھی کیا گیا۔