آئندہ 30 دنوں میں لیپ ٹاپ سکیم کے اجراء کی ڈیڈ لائن،کتنے لیپ ٹاپ تقسیم کیے جائیں گے ؟ جانیے.

اجلاس کی تفصیلات

لاہور (ڈیلی پاکستان آن لائن) وزیر تعلیم رانا سکندر حیات کی زیر صدارت لیپ ٹاپ سکیم کے اجراء کے حوالے سے جائزہ اجلاس ہوا۔ وزیر تعلیم نے لیپ ٹاپ سکیم کے آغاز کیلئے محکمہ کو ایک ماہ کی ڈیڈ لائن دیتے ہوئے آئندہ 30 دنوں میں اس کے اجراء کی ہدایت کی۔

یہ بھی پڑھیں: عمران خان احتجاج کو سنگجانی منتقل کرنے پر راضی ہوئے تھے یا نہیں؟ شیر افضل مروت کا تہلکہ خیز انکشاف

کمیٹی کی تشکیل

وزیر تعلیم نے لیپ ٹاپ کی خریداری، کوالٹی ایشورنس اور انسپکشن کیلئے آئی ٹی یو اور پی آئی ٹی بی کے افسران پر مشتمل کمیٹی بنا دی۔

یہ بھی پڑھیں: بجلی صارفین سے کپیسٹی پیمنٹ کی مد میں 9 کھرب 79ارب سے زائد کی وصولی

لیپ ٹاپ کے معیار پر گفتگو

اجلاس میں گفتگو کرتے ہوئے وزیر تعلیم نے کہا کہ لیپ ٹاپ کی باڈی اچھی کوالٹی، ترجیحاً سٹیل کی ہونی چاہیے، جبکہ اس کا بیگ بھی بہتر کوالٹی کا بنوایا جائے۔ انہوں نے لیپ ٹاپ کی تقسیم کا مؤثر لائحہ عمل تشکیل دینے کی بھی ہدایت کی اور کہا کہ تعلیمی ضروریات مدنظر رکھتے ہوئے طلباء کو جدید ترین لیپ ٹاپ فراہم کیے جائیں۔

یہ بھی پڑھیں: جھل مگسی جیپ ریلی کا آخری روز، شائقین کی بڑی تعداد امڈ آئی

اقلیتی طلباء کا شامل ہونا

انہوں نے مزید کہا کہ وزیر اعلیٰ کی ہدایت پر اقلیتی طلباء کو بھی لیپ ٹاپ سکیم میں خاص طور پر شامل کیا گیا ہے۔ مجموعی طور پر 90 دنوں میں 40 ہزار لیپ ٹاپ فراہم کئے جائیں گے۔ پہلے مرحلے میں ایک ماہ میں 5 ہزار لیپ ٹاپ دیئے جائیں گے، جبکہ دوسرے مرحلے میں 3 ماہ کے دوران باقی 35 ہزار لیپ ٹاپ فراہم کئے جائیں گے۔

خصوصی طلباء کو فراہم کردہ لیپ ٹاپ

آخر میں، وزیر تعلیم نے کہا کہ وزیر اعلیٰ پنجاب کی ہدایت پر میٹرک اور ایف ایس سی کے پوزیشن ہولڈر طلباء کو بھی لیپ ٹاپ فراہم کیے جائیں گے۔