راولپنڈی اور اسلام آباد کو 33 مقامات سے بند کرنے کا سلسلہ جاری

راولپنڈی اور اسلام آباد کی صورتحال

راولپنڈی (ڈیلی پاکستان آن لائن) راولپنڈی اور اسلام آباد کو 33 مقامات سے بند کرنے کا سلسلہ جاری ہے۔

یہ بھی پڑھیں: حمل کے دوران خواتین کے دماغ میں ہونے والی عجیب تبدیلیاں جو جذبات اور یادداشت پر اثر ڈالتی ہیں

احتجاج کی تیاری

تفصیلات کے مطابق پاکستان تحریک انصاف کی جانب سے 24 نومبر کو اسلام آباد میں ممکنہ احتجاج کے پیش نظر جڑواں شہروں میں داخل ہونے والے راستوں کو کنٹینر لگا کر بند کیے جانے کا سلسلہ جاری ہے۔

یہ بھی پڑھیں: وزیراعظم شہباز شریف آج سعودی عرب کے 2 روزہ دورے پر روانہ ہوں گے

بند کی جانے والی سڑکیں

فیض آباد سمیت 6 مقامات کو کنٹینرز رکھ کر بند کر دیا گیا ہے، جن میں فیض آباد، آئی جے پی روڈ، روات ٹی چوک، کیرج فیکٹری، مندرہ اور ٹیکسلا روڈ شامل ہیں۔ جبکہ کچہری چوک کو یکطرفہ ٹریفک کے طور پر چلایا جائے گا۔

یہ بھی پڑھیں: کیا کھانے سے آپ کو سر درد ہو سکتا ہے؟

رابطوں کی بندش

اسلام آباد اور راولپنڈی کی تمام رابطہ سڑکوں کو مکمل سیل کیا جائے گا، اور جڑواں شہروں کو 33 مقامات سے بند کرنے کا سلسلہ جاری ہے۔

حکومتی موقف

اس حوالے سے مشیر اطلاعات خیبر پختونخوا بیرسٹر محمد علی سیف کا کہنا ہے کہ حکومت نے اسلام آباد سیل کر کے احتجاج کی کامیابی پر مہر لگا دی ہے۔

بیرسٹر سیف کا کہنا ہے کہ اسلام آباد کا ملک کے دیگر شہروں سے رابطہ منقطع ہے، اور حکومت عوام کی زندگی اجیرن کرنے کے بجائے عوام کا حق واپس کرے۔ حکومت بچانے کیلئے پاکستان کو بند کر دیا گیا ہے۔