بشریٰ بی بی کے خلاف ایک اور شہر میں مقدمہ درج

بشریٰ بی بی کے خلاف مقدمہ درج

لاہور(ڈیلی پاکستان آن لائن) بانی پاکستان تحریک انصاف (پی ٹی آئی) عمران خان کی اہلیہ بشریٰ بی بی کے خلاف بہاولنگر کے تھانا سٹی بی ڈویژن میں بھی مقدمہ درج کرلیا گیا۔ پولیس کے مطابق مقدمہ شہری کی مدعیت میں ٹیلی گراف ایکٹ کے تحت درج کیا گیا ہے۔

یہ بھی پڑھیں: لوگ باہر نکلیں گے اور بڑی تعداد میں نکلیں گے، ہماری تیاری پوری ہے:شعیب شاہین

پہلے سے درج مقدمات

خیال رہے کہ اس سے قبل بشریٰ بی بی کے خلاف دو مقدمات درج جاچکے ہیں۔ پولیس کے مطابق گوجرانوالہ میں بشریٰ بی بی کے خلاف مقدمہ تھانا سول لائنز میں درج کیا گیا ہے۔ اس کے علاوہ بانی پی ٹی آئی کی اہلیہ کے خلاف ٹیلی گراف ایکٹ 1885 کے تحت مقدمہ درج کیا گیا۔

نفرت انگیز بیان کا مقدمہ

بشریٰ بی بی کے ویڈیو بیان کے خلاف ایف آئی آر ڈیرہ غازی خان میں درج کی گئی۔ ایف آئی آر کے متن کے مطابق بشریٰ بی بی نے لوگوں کو ورغلانے کے لیے نفرت انگیز بیان دیا۔