9 مئی کو ملک گیر فسادات برپا کرنے والے ایک مرتبہ پھر سے پر تشدد کارروائیاں کر رہے ہیں: شہباز شریف

وزیراعظم شہباز شریف کا بیان

اسلام آباد(ڈیلی پاکستان آن لائن) وزیراعظم شہباز شریف کا کہنا ہے کہ 9 مئی کو ملک گیر فسادات برپا کرنے والے ایک مرتبہ پھر سے پر تشدد کارروائیاں کر رہے ہیں۔ شر پسند عناصر ہمیشہ ایسے وقت جب ملک ترقی کی منازل طے کر رہا ہو، جلاؤ گھیراؤ شروع کر دیتے ہیں۔

یہ بھی پڑھیں: کتب بینی کے فروغ اور پبلک لائبریریوں کی اپ گریڈیشن کے حوالے سے متعدد فیصلے

پولیس کانسٹیبل مبشر کی شہادت

اپنے بیان میں وزیراعظم نے کہا کہ پولیس کانسٹیبل مبشر ایسے گروہ کے ہاتھوں شہید ہوئے جو ملکی ترقی کا دشمن ہے۔

یہ بھی پڑھیں: فوڈ واؤچر کے ذریعے کھانے کی بجائے ٹوتھ پیسٹ اور دوسری اشیاء خریدنے پر فیس بک کے ملازمین کی برطرفی

اہل خانہ سے اظہار تعزیت

وزیرِ اعظم نے کانسٹیبل مبشر شہید کے اہل خانہ سے اظہار تعزیت کیا اور احتجاج کے دوران پتھراؤ و تشدد سے زخمی دیگر پولیس اہلکاروں کو بہترین طبی سہولتیں دینے کی ہدایت کی۔

وفاقی وزیر داخلہ کی جانب سے بیان

دوسری جانب وفاقی وزیر داخلہ محسن نقوی نے ہکلہ کے قریب مظاہرین کے تشدد سے شہید پولیس کانسٹیبل مبشر کو خراج عقیدت پیش کرتے ہوئے کہا کہ تشدد کرنے والے مظاہرین کو قانون کی گرفت میں لایا جائے گا۔