لاہور کے 3200 صحافیوں کو پلاٹس دینے میں بڑی پیش رفت

پنجاب کے صحافیوں کے لیے بڑی خوش خبری

لاہور (ڈیلی پاکستان آن لائن) وزیراعلیٰ پنجاب مریم نواز کی جانب سے لاہور کے 3200 صحافیوں کو پلاٹس دینے میں بڑی پیش رفت ہوگئی۔ وزارت اطلاعات پنجاب اور روڈا نے اراضی کی منتقلی کے ایم او یو پر دستخط کر دیئے۔

یہ بھی پڑھیں: فتح 1 میزائل سسٹم سے بھارتی اہداف کو نشانہ بنانے کی ایک اور ویڈیو منظر عام پر آ گئی

نئے پلاٹس کی تقسیم کی تفصیلات

اس موقع پر وزیر اطلاعات پنجاب عظمٰی بخاری نے کہا ہے کہ پنجاب کی تاریخ میں پہلی مرتبہ 3200 صحافیوں کو پلاٹس ملنے جارہے ہیں۔ آئندہ چندروز میں جنرنلسٹ ہاﺅسنگ سکیم فیز ٹو کا پراسیس مکمل کردیا جائے گا۔ وزیراعلیٰ پنجاب مریم نواز لاہور کے 3200 صحافیوں کو اپنا گھر فراہم کرنے کا وعدہ پورا کرنے جارہی ہیں۔ تمام صحافیوں کو میرٹ کی بنیاد پر پلاٹس ملیں گے۔ اس معاملے میں کسی کی سفارش قابل قبول نہیں ہوگی۔ وزیراعلیٰ پنجاب کی ہدایت پر ایف بلاک کا مسئلہ بھی حل کردیا گیا ہے۔

ایم او یو کی دستخط کی تقریب

سیکرٹری اطلاعات طاہر رضا ہمدانی اور سی ای او روڈا عمران امین نے ایم او یو پر دستخط کیے۔ اس موقع پر صدر لاہور پریس کلب ارشد انصاری، ایڈیشنل سیکریٹری ایڈمن سلیم ساگر اور کرنل ریٹائرڈ عابد موجود تھے۔ لاہور پریس کلب کے کونسل ممبران کو فارم پریس کلب سے جبکہ نان کونسل ممبران کو ڈی جی پی آر سے فارم ملیں گے۔