۳ روزہ سوگ کا اعلان

پشاور میں سوگ کا اعلان

پشاور (ڈیلی پاکستان آن لائن) وفاقی دارالحکومت میں پی ٹی آئی ورکر پر تشدد کے خلاف خیبر پختونخوا حکومت نے صوبے میں 3 روزہ سوگ کا اعلان کردیا۔

یہ بھی پڑھیں: حج 2025 سستا کرنے کیلئے وزارت مذہبی امور کو بڑی کامیابی مل گئی

خیبرپختونخوا اسمبلی کا اجلاس

تفصیلات کے مطابق خیبرپختونخوا اسمبلی کا اجلاس اسپیکر بابر سلیم سواتی کی صدارت میں ہوا۔ سپیکر بابر سلیم سواتی نے کہا کہ "ہاؤس کسٹوڈین" ہونے کے ناطے آئین کے آرٹیکل 16 کی طرف توجہ دلانا چاہتا ہوں۔ آئین کا آرٹیکل 16 آزادی رائے کا حق دیتا ہے، جو عوام کو احتجاج اور اظہار رائے کا حق دیتا ہے۔ مقتدر قوتوں نے ہمیشہ عوام سے اظہار رائے کا حق چھین رکھا ہے، جب بھی ملک میں سیاسی قوت نے آواز اٹھائی بے دردی سے کچلا گیا۔

یہ بھی پڑھیں: پاک بحریہ کا صحت عامہ کے فروغ میں اہم قدم، پی این ایس درمان جہ، اورماڑہ میں جدید بلاک کا افتتاح

تحریک انصاف کا احتجاج

"جیو نیوز" کے مطابق بابر سلیم سواتی نے کہا کہ 24 نومبر کو تحریک انصاف نے احتجاج کا اعلان کیا، پورے پاکستان سے قافلے اسلام آباد گئے۔ کیا اس ملک میں آئین کی پاسداری کے لیے کھڑا ہونا جرم ہے؟ ملک میں آئین موجود ہے لیکن ادارے اس کو ماننے کے لیے تیار نہیں، بشریٰ بی بی کو بھی قتل کرنے کی کوشش کی گئی۔

یہ بھی پڑھیں: پاک بحریہ کے جہاز پی این ایس معاون کا افریقی ملک سیشلز کا دورہ، بندرگاہ وکٹوریہ آمد پر پرتپاک استقبال

صوبائی وزیر قانون کی بیان

اس موقع پر خطاب کرتے ہوئے صوبائی وزیر قانون آفتاب عالم کا کہنا تھا کہ "ہمارے پرامن احتجاج پر بربریت اور ظلم کیا گیا، صوبے کے چیف ایگزیکٹو اور کارکنوں پر سیدھے فائر کیے گئے۔" انہوں نے واقعے کے خلاف خیبرپختونخوا میں 3 روزہ سوگ کا اعلان کیا۔