ملک کے مختلف شہروں میں گرج چمک کے ساتھ بارش کی پیشگوئی

ملک بھر میں بارش کی پیشگوئی

اسلام آباد (ڈیلی پاکستان آن لائن) محکمہ موسمیات نے ملک کے مختلف شہروں میں گرج چمک کے ساتھ بارش کی پیشگوئی کی ہے۔

یہ بھی پڑھیں: بھارت پاکستان کو کمزور نہ جانے، بیٹھ کر بات کرلے تو ان کیلئے بہتر ہوگا، اعزاز چودھری

خیبر پختونخوا اور بلوچستان میں موسم کی صورتحال

محکمہ موسمیات کے مطابق خیبر پختونخوا، بلوچستان، کشمیر اور گلگت بلتستان میں مطلع ابر آلود رہے گا۔ تیز ہواؤں کے ساتھ گرج چمک اور پہاڑوں پر برفباری کا امکان ہے۔ شام یا رات کے وقت بالائی پنجاب، اسلام آباد، مری اور گلیات میں بھی ہلکی سے درمیانی بارش کی توقع ہے۔

یہ بھی پڑھیں: چینی ہتھیاروں نے میدان جنگ میں ٹیسٹ پاس کر لیا، بھارت نہ مانا لیکن فرانسیسی میڈیا نے مان لیا

دیگر علاقوں کی صورتحال

ملک کے دیگر علاقوں میں موسم سرد اور خشک رہنے کا امکان ہے۔ پنجاب کے چند میدانی علاقوں اور بالائی سندھ میں صبح اور رات کے وقت سموگ/دھند چھائے رہنے کی توقع ہے۔ اسلام آباد اور گرد و نواح میں شام یا رات کے اوقات میں ہلکی بارش کی پیشگوئی کی گئی ہے۔

یہ بھی پڑھیں: خاتون بیوٹیشن سے چلتی کار میں زیادتی کی کوشش، مزاحمت پر قتل کر دیا گیا

بلوچستان میں موسمی تبدیلی

بلوچستان کے بیشتر اضلاع میں مطلع ابر آلود رہے گا، خصوصاً کوئٹہ، پشین، قلعہ سیف اللہ، ژوب، شیرانی، موسی خیل، سبی، بارکھان، زیارت، لورالائی، چاغی، خاران، گوادر، کیچ، پنجگور، آواران، قلات، خضدار اور لسبیلہ میں تیز ہواؤں اور گرج چمک کے ساتھ بارش اور پہاڑوں پر برفباری کا امکان موجود ہے۔

یہ بھی پڑھیں: منی مزدا ٹرانسپورٹرز کی محکمہ ایکسائز کے خلاف ملک گیر پہیہ جام ہڑتال

پنجاب کی وادیوں میں بارش کا امکان

پنجاب کے بیشتر اضلاع میں موسم سرد اور خشک رہنے کا امکان ہے، مگر شام یا رات کے وقت مری، گلیات، راولپنڈی، اٹک، چکوال، جہلم، میانوالی، بھکر، لیہ، خوشاب، حافظ آباد، جھنگ، فیصل آباد، سرگودھا، نور پور تھل، گوجرانوالہ، گجرات اور ڈیرہ غازی خان میں تیز ہواؤں کے ساتھ ہلکی سے درمیانی بارش کی توقع ہے۔ صبح اور رات کے اوقات میں سیالکوٹ، نارووال، گوجرانوالہ، گجرات، لاہور، شیخوپورہ، قصور، اوکاڑہ، حافظ آباد، جھنگ، فیصل آباد، بہاولپور، ملتان، ساہیوال، خانیوال، رحیم یار خان اور گرد و نواح میں دھند چھائے رہنے کی توقع ہے۔

یہ بھی پڑھیں: لاہور میں جسم فروشی کے دھندے میں ریکارڈ یافتہ شخص کی موت ہو گئی

خیبر پختونخوا کی بارشیں

خیبر پختونخوا کے بیشتر اضلاع میں بھی مطلع ابر آلود رہے گا۔ چترال، دیر، سوات، مالاکنڈ، مانسہرہ، ایبٹ آباد، کوہستان، پشاور، مردان، نوشہرہ، کرم، اورکزئی، مہمند، خیبر، کوہاٹ، ہنگو، بنوں، لکی مروت، کرک، ڈی آئی خان اور وزیرستان میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

سندھ اور دیگر علاقوں کی پیشگوئی

سندھ کے زیادہ تر اضلاع میں موسم خشک رہنے کا امکان ہے۔ کشمیر اور گلگت بلتستان میں بھی مطلع ابر آلود رہے گا، جہاں تیز ہواؤں اور گرج چمک کے ساتھ بارش اور پہاڑوں پر برفباری کی پیشگوئی کی گئی ہے۔