اپنی ڈیلیوری کے دوران گاہکوں کے ساتھ جنسی تعلق قائم کرنے والی دنیا کا پہلا ملک جہاں سیکس ورکرز کو بچوں کی پیدائش پر چھٹی ملے گی۔

لیکن ناقدین کا کہنا ہے کہ یہ صنعت سمگلنگ، استحصال اور بدسلوکی کا سبب بھی بنتی ہے، جس کو یہ قانون نہیں روک سکے گا۔

جولیا کرومیئر ’اسالا‘ نامی ایک غیر سرکاری تنظیم کی رکن ہیں۔ یہ تنظیم بیلجیئم میں سیکس ورکرز کی مدد کرتی ہے۔

وہ کہتی ہیں کہ ’یہ خطرناک ہے کیونکہ یہ ایک ایسے پیشے کو عام کرتا ہے، جس میں ہمیشہ تشدد شامل ہوتا ہے۔‘

میل بھی ایک سیکس ورکر ہیں۔ وہ اس وقت شدید خوفزدہ ہو گئیں جب انھیں کنڈوم کے بغیر ایک کلائنٹ کو اوورل سیکس دینے پر مجبور کیا گیا۔

ان کو علم تھا کہ جنسی طور پر منتقل ہونے والا انفیکشن (STI) قحبہ خانے میں موجود ہے، لیکن ان کے پاس اس بات کو ماننے کے سوا کوئی چارہ نہیں تھا۔

’میرے پاس دو راستے تھے۔ میں یا تو پیسہ کماتی یا انفیکشن کا خطرہ مول لیتی۔‘

وہ 23 سال کی تھیں جب انھوں نے یہ کام شروع کیا تھا۔ اس وقت انھیں پیسوں کی شدید ضرورت تھی اور انھوں نے اس کام میں توقعات سے زیادہ تیزی سے کمانا شروع کر دیا۔

انھوں نے محسوس کیا جیسے وہ آسمان کو چھو لیں گی، تاہم انفیکشن کا تجربہ انھیں تیزی سے زمین پر واپس لے آیا۔

میل اب ایسے کسی بھی کلائنٹ یا جنسی عمل سے انکار کر سکیں گی جس سے وہ بے آرام محسوس کریں، یعنی اب ایسی کسی بھی صورتحال کو وہ مختلف طریقے سے سنبھال سکیں گی۔

’اگر مجھے قانونی تحفظ حاصل ہوتا تو میں اپنی میڈم (آجر) کو آرام سے یہ کہہ سکتی ہوں کہ آپ ان شرائط کی خلاف ورزی کر رہی ہیں اور آپ کو میرے ساتھ کس قسم کا برتاؤ کرنا چاہیے۔‘

بیلجیئم کا فیصلہ سنہ 2022 میں ہونے والے ان مظاہروں کا نتیجہ ہے جو کووڈ 19 کی عالمی وبا کے دوران سیکس ورکرز کے لیے ریاستی تعاون کی کمی کے نتیجے میں ہوئے تھے۔

ان مظاہروں میں پیش پیش افراد میں سے ایک وکٹوریہ بھی تھیں جو بیلجیئم یونین آف سیکس ورکرز (UTSOPI) کی صدر تھیں اور 12 سال سے زیادہ اس پیشے سے منسلک رہی تھیں۔

ان کے لیے یہ ذاتی جنگ تھی۔ وکٹوریہ جسم فروشی کو ایک سماجی خدمت کے طور پر دیکھتی ہیں اور اس میں سیکس کا کردار صرف 10 فیصد ہے۔

’اس پیشے میں لوگوں کی کہانیاں سنی جا رہی ہیں، ان کے ساتھ وقت گزارا جا رہا ہے، خوشی کے لمحات بٹائے جا رہے ہیں، بالآخر یہ سب تنہائی کے بارے میں ہے.‘

لیکن 2022 سے پہلے ان کی ملازمت کے غیر قانونی ہونے نے انہیں اہم چیلنجز کا سامنا کرنے پر مجبور کیا۔ انہوں نے غیر محفوظ حالات میں کام کیا، اپنے کلائنٹس اور اپنی ایجنسی کی جانب سے آمدن میں بڑی کٹوتی پر انہیں کچھ کرنے کا اختیار نہیں تھا۔

وکٹوریہ کہتی ہیں کہ درحقیقت انہیں ایک کلائنٹ نے ریپ کا نشانہ بنایا جس پر ان کا جنون سوار تھا۔

وہ ایک پولیس اسٹیشن گئیں جہاں ان کے مطابق پولیس افسر بہت سختی سے پیش آئے۔ وہ کہتی ہیں کہ ’انہوں نے مجھے احساس دلایا کہ یہ میری غلطی ہے کیونکہ میں یہ کام کرتی ہوں۔‘

وکٹوریہ پولیس افسر کی بات سن کر روتی ہوئی پولیس اسٹیشن سے باہر نکل گئیں۔

ہر سیکس ورکر جس سے ہم نے بات کی، اس نے تصدیق کی کہ ان پر ان کی مرضی کے خلاف کچھ کرنے کے لیے کسی نہ کسی وقت دباؤ ضرور ڈالا گیا۔

اسی وجہ سے وکٹوریہ کو کامل یقین ہے کہ یہ نیا قانون ان کی زندگیوں کو بہتر بنائے گا۔

’اگر کوئی قانون نہیں اور آپ کا کام غیر قانونی ہے، تو آپ کی مدد کے لیے کوئی پروٹوکول موجود نہیں۔ یہ قانون لوگوں سے ہمیں محفوظ بنانے کے لیے ذریعہ فراہم کرتا ہے۔‘

نئے قانون کے تحت سیکس کے پیشے کو کنٹرول کرنے والے دلالوں کو قانونی طور پر کام کرنے کی اجازت ہو گی لیکن انہیں سخت قوانین پر عمل درآمد بھی کرنا پڑے گا۔

سنگین جرم کا مرتکب کوئی بھی شخص سیکس ورکرز کو ملازمت دینے کا اہل نہیں ہو گا۔

کرس ریک مینز اور ان کی اہلیہ الیگزینڈرا چھوٹے سے قصبے بیکیوورٹ میں ایک مساج پارلر چلاتے ہیں۔