پنجاب: سی ٹی ڈی کے رواں ماہ مختلف شہروں میں آپریشن، 34 دہشتگرد گرفتار

دہشت گردی کے خدشات اور آپریشنز

لاہور (ڈیلی پاکستان آن لائن) دہشت گردی کے خدشات کے پیش نظر، سی ٹی ڈی نے پنجاب کے مختلف شہروں میں رواں ماہ 242 انٹیلی جنس بیسڈ آپریشنز کے دوران 34 دہشت گردوں کو گرفتار کیا۔

یہ بھی پڑھیں: یکم جنوری 2028 تک سود کے خاتمے کی شق متفقہ طور پر منظور

آپریشنز کی تفصیلات

ترجمان سی ٹی ڈی کے مطابق، یہ کاروائیاں لاہور، بہاول نگر، بہاولپور، گوجرانوالہ، فیصل آباد، راولپنڈی، نارووال، سرگودھا، چکوال، جہلم، اٹک، گجرات، بھکر اور رحیم یار خان میں کی گئیں۔ ترجمان کا بتانا ہے کہ لاہور سے فتنہ الخوارج سمیت دیگر تنظیموں کے 11 انتہائی خطرناک دہشت گرد بارودی مواد اور اہم عمارتوں کے نقشوں سمیت گرفتار کیے گئے۔

یہ بھی پڑھیں: شہریار کا قرآن پاک کا حافظ ہونا مجھے سب سے زیادہ بھایا، وینا ملک کا انکشاف

گرفتار کردہ مواد

ترجمان سی ٹی ڈی پنجاب کے مطابق، دہشت گردوں سے دھماکہ خیز مواد، 28 ڈیٹونیٹر، 89 فٹ حفاظتی فیوز وائر، گولیاں، اسلحہ، ایک ہینڈ گرنیڈ، چار آئی ای ڈی بم، پرائما کارڈ، موبائل فون، ممنوعہ پمفلٹ، اور نقدی برآمد کر لی گئی۔

یہ بھی پڑھیں: سپریم کورٹ میں 26 ویں آئینی ترمیم کے خلاف ایک اور درخواست دائر

کومبنگ آپریشنز

ترجمان کا بتانا ہے کہ رواں ماہ میں 7536 کومبنگ آپریشنز کے دوران 637 مشتبہ افراد کو گرفتار کیا گیا، جبکہ ان آپریشنز میں 235630 افراد سے پوچھ گچھ کی گئی۔

سی ٹی ڈی کا عزم

ترجمان کا کہنا ہے کہ سی ٹی ڈی محفوظ پنجاب کے ہدف پر عمل پیرا ہے اور دہشت گردی کے ناسور کو جڑ سے اکھاڑ پھینکنے کے لئے پرعزم ہیں۔