دھی رانی پروگرام کے تحت اجتماعی شادیوں کے باقاعدہ آغاز کا فیصلہ، پہلی تقریب کس شہر میں ہو گی؟ جانیے

اجتماعی شادیاں: دھی رانی پروگرام کا آغاز

لاہور (ڈیلی پاکستان آن لائن) وزیراعلیٰ پنجاب مریم نواز کی ہدایت پر "دھی رانی پروگرام" کے تحت دسمبر سے اجتماعی شادیوں کا باقاعدہ آغاز کیا جائے گا۔ اس سلسلے میں ایک اہم اجلاس صوبائی وزیر سوشل ویلفیئر اینڈ بیت المال سہیل شوکت بٹ کی زیر صدارت ہوا۔ اجلاس میں وزیراعلیٰ پنجاب کے سیاسی مشیر ذیشان ملک، سیکرٹری سوشل ویلفیئر جاوید اختر محمود، ڈی جی سوشل ویلفیئر سکندر ذیشان، سیکرٹری ویمن ڈیولپمنٹ عثمان علی خان، کمشنر لاہور زید بن مسعود اور ڈپٹی کمشنر لاہور سید موسیٰ رضا نے شرکت کی۔

یہ بھی پڑھیں: بانی پی ٹی آئی پر ٹارچر کیا گیا، سلمان اکرم راجہ

پروگرام کی تفصیلات

ڈی جی سوشل ویلفیئر سکندر ذیشان نے صوبائی وزیر سہیل شوکت بٹ اور معاون خصوصی ذیشان ملک سمیت اجلاس کے شرکاء کو دھی رانی پروجیکٹ پر پیش رفت سے آگاہ کیا۔ بریفنگ میں بتایا گیا کہ دسمبر 2024 سے اجتماعی شادیوں کا باقاعدہ آغاز کیا جائے گا اور وزیراعلیٰ پنجاب مریم نواز کے دستِ شفقت سے اس نیک عمل کا آغاز لاہور سے کیا جائے گا۔ پروگرام کے تحت ایسی غریب، یتیم اور جسمانی معذوری کا شکار خواتین جو کہ والدین کے سامنے جسمانی معذوری سے متاثر ہیں اور جن کی عمر 18 سے 40 سال کے درمیان ہے، وہ اس پروگرام میں شمولیت کی اہل ہوں گی۔ وزیراعلیٰ پنجاب مریم نواز دھی رانی پروگرام کے تحت صوبے کے تمام اضلاع میں پہلے مرحلے میں 1500 مستحق جوڑوں کی اجتماعی شادیاں کروائیں گی۔ پروگرام کے بارے میں شکایات کے لیے سیکرٹری سوشل ویلفیئر کے دفتر میں براہ راست رابطہ کیا جا سکتا ہے۔

فلاحی اقدام کی اہمیت

صوبائی وزیر سہیل شوکت بٹ نے کہا کہ وزیراعلیٰ پنجاب مریم نواز کی جانب سے اجتماعی شادیوں کا اعلان حقیقی فلاحی اسلامی ریاست کی جانب ایک اہم قدم ہے۔ اجتماعی شادیوں کے دوران جوڑوں کو دی جانے والی سلامی کی رقم 1 لاکھ روپے ہوگی۔ اجتماعی شادیوں کے دوران وزیراعلیٰ پنجاب کی جانب سے دیے جانے والے تحفوں کی خریداری پیپرا قوانین کے مطابق کی جائے گی تاکہ تحائف کی خریداری کے عمل میں شفافیت برقرار رکھی جا سکے۔