پی ٹی آئی کے شرپسندوں کو کڑی سے کڑی سزا دلوائیں گے: وزیر اعلیٰ کی سی ایم ایچ راولپنڈی میں زخمی سیکیورٹی اہلکاروں سے گفتگو

وزیراعلیٰ پنجاب کا زخمی اہلکاروں کا حوصلہ بڑھانے کا اقدام

لاہور ( ڈیلی پاکستان آن لائن ) وزیراعلیٰ پنجاب مریم نواز پی ٹی آئی کے احتجاج کے دوران پرتشدد کارروائیوں میں زخمی اہلکاروں کا حوصلہ بڑھانے کے لئے سی ایم ایچ راولپنڈی پہنچ گئیں۔ وزیر اعلیٰ نے سی ایم ایچ میں زیر علاج رینجرز اور پولیس کے زخمی اہلکاروں کی عیادت کی۔

یہ بھی پڑھیں: پنجاب کا ہر بچہ، ہر ماں، ہر خاندان ہماری ترجیح اور تحفظ ہمارا مشن ہے: وزیر اعلیٰ مریم نواز

زخمی اہلکاروں کی عیادت

وزیراعلیٰ فرداً فرداً ہر زخمی اہلکار کے پاس خود گئیں اور خیریت دریافت کی۔ انہوں نے زخمی سیکیورٹی اہلکاروں کے بلند حوصلوں اور فرض شناسی کو سراہا۔ زیر علاج زخمی اہلکاروں نے وزیراعلیٰ کو احتجاج کے دوران پولیس اور سیکیورٹی اہلکاروں پر بے رحمانہ تشدد کے بارے میں بتایا۔

یہ بھی پڑھیں: صنم سعید نے ڈراما انڈسٹری سے دوری کی وجہ بتا دی

پی ٹی آئی کے مظاہرین کے تشدد کی تفصیلات

زخمی اہلکاروں کا کہنا تھا کہ پی ٹی آئی کے ورکرز نے پولیس پر نزدیک سے نشانہ لیکر فائرنگ کی جبکہ مظاہرین نے کیل والے ڈنڈوں سے تشدد کا نشانہ بنایا۔ مظاہرین کے تشدد سے بیشتر پولیس اہلکاروں کی ہڈیاں ٹوٹ گئیں اور بعض کی آنکھیں متاثر ہوئیں۔ ایک اہلکار کی کھوپڑی بھی بری طرح متاثر ہوئی۔

یہ بھی پڑھیں: ایڈیشنل ایڈووکیٹ جنرل سندھ اور پیپلز لائر فورم سندھ کے صدر قاضی محمد بشیر کے اعزاز میں عشائیہ

وزیراعلیٰ کا حوصلہ افزائی کا پیغام

وزیر اعلیٰ نے زخمی اہلکاروں کو تسلی دی اور حوصلہ بڑھایا۔ زخمی اہلکاروں نے عزم کا اظہار کیا کہ آپ کا دست شفقت رہا تو جلد صحت یاب ہو کر واپس آئیں گے۔ وزیراعلیٰ نے گفتگو کرتے ہوئے کہا کہ رینجرز اور پولیس اہلکار قوم کے بیٹے ہیں، ہمیں ان پر فخر ہے۔ انہوں نے اس عزم کا اظہار کیا کہ سیکیورٹی اہلکاروں پر بے رحمانہ تشدد کرنے والے مظاہرین کو نہیں چھوڑیں گے۔

یہ بھی پڑھیں: پاکستانی صارفین میں سمارٹ آن لائن خریداری کا بڑھتا ہوا رجحان

تشدد کی مذمت اور حمایت کا وعدہ

وزیر اعلیٰ مریم نواز نے کہا کہ ریاستی اداروں، املاک اور سیکیورٹی اہلکاروں پر حملے قابل مذمت ہیں۔ پاک فوج اور سیکیورٹی اداروں کے اہلکار اپنی جانوں کا نذرانہ پیش کرکے ملک کا امن بحال کر رہے ہیں۔ شرپسند سیاسی جماعت کو جان کا نذرانہ پیش کرنے والے جوانوں پر حملے کرتے ہوئے شرم آنی چاہیے تھی۔

زخمی اہلکاروں کے ساتھ یکجہتی

وزیراعلیٰ نے کہا کہ وفاقی اور پنجاب حکومت زخمی سکیورٹی اہلکاروں کی مقروض ہے۔ ہم زخمی سیکیورٹی اہلکاروں اور ان کے خاندان کے ساتھ کھڑے ہیں اور سیکیورٹی اہلکاروں کو زخمی کرنے والے پی ٹی آئی کے شرپسندوں کو انصاف کے کٹہرے میں لائیں گے۔ ان شرپسندوں کو کڑی سے کڑی سزا دلوائیں گے جو مثال بنے گی۔