پاکستانیوں کی اکثریت نے سموگ کی ممکنہ وجہ کی نشاندہی کردی

پاکستانیوں کی سموگ کے بارے میں آگاہی

اسلام آباد (ویب ڈیسک) 70 فیصد پاکستانیوں نے دھواں چھوڑتی گاڑیوں کو سموگ کی سب سے اہم وجہ قرار دے دیا۔

یہ بھی پڑھیں: قومی بچت سکیموں پر شرح منافع میں کمی کر دی گئی

اپسوس پاکستان کا نیا سروے

اپسوس پاکستان نے نیا سروے جاری کردیا جس میں بتایا گیا ہے کہ پاکستانیوں کی اکثریت جانتی ہے کہ سموگ کیوں ہوتی ہے۔ سروے میں 70 فیصد پاکستانیوں نے دھواں چھوڑتی گاڑیوں کو سموگ کی سب سے اہم وجہ قرار دیا تو 63 فیصد نے صنعتی آلودگی کو سموگ کا ذمہ دار ٹھہرایا۔

یہ بھی پڑھیں: ہمیں تیار رہنا چاہیے بھارت کوئی بھی حرکت کرسکتا ہے،سابق سفیر عبدالباسط

سموگ کے دیگر اسباب

سروے میں 37 فیصد نے کچرا جلانے، 31 فیصد نے اینٹوں کے بھٹوں، 30 فیصد نے فصلوں کی باقیات جلانے جبکہ 11 فیصد افراد نے تعمیراتی کام کو سموگ کا ذمہ دار کہا۔

یہ بھی پڑھیں: بشریٰ بی بی اڈیالہ جیل سے رہا، بیرسٹر گوہر نے عمران خان نے رہائی کا بھی عندیہ دیدیا

سموگ کے قابو میں ناکامی کی وجوہات

سموگ کو قابو کرنے میں ناکامی کے سوال پر 44 فیصد نے عوام کے عدم تعاون کو بنیادی وجہ قرار دیا۔

دیگر وجوہات

37 فیصد نے قانون کے نفاذ میں کوتاہی، 16 فیصد نے فضائی معیار سے متعلق قوانین کی عدم موجودگی، 8 فیصد نے فنڈز کی کمی جبکہ 8 فیصد افراد نے اداروں کی محدود صلاحیت کو سموگ کے خاتمے میں ناکامی کی اہم وجہ کہا۔