عمران اور بشریٰ کی ناکام بغاوت کے تمام ثبوت سامنے آگئے: عظمیٰ بخاری

وزیر اطلاعات پنجاب کا بیان

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے کہا ہے کہ بانی پی ٹی آئی عمران خان اور بشریٰ بی بی کی ناکام بغاوت کے تمام ثبوت سامنے آگئے۔

یہ بھی پڑھیں: استحکام پاکستان پارٹی کا لاہور سمیت پنجاب بھر میں سیاسی طاقت شو کرنے کا فیصلہ، ورکرز کنونشنز کا شیڈول مانگ لیا

ثبوت اور شواہد

اپنے ایک بیان میں عظمیٰ بخاری کا کہنا تھا کہ آئی جی اسلام آباد، سیکرٹری داخلہ اور ڈی پی او اٹک کی پریس کانفرنسز ناقابل تردید شواہد ہیں۔ بانی پی ٹی آئی اور بشریٰ بی بی کی 26 نومبر کی ناکام بغاوت کے تمام ثبوت سامنے آگئے ہیں، سکیورٹی فورسز پر حملوں کے لیے غیرملکیوں کو احتجاج میں لایا گیا۔

یہ بھی پڑھیں: بھارت میں شوہر کی مسجد میں شکایت پر مردوں کے جتھے کا خاتون پر بہیمانہ تشدد، گرفتاریاں

احتجاج میں شامل افراد

انہوں نے کہا کہ احتجاج میں شریک افراد تربیت یافتہ اور تخریب کاری کے ماہر تھے۔ گرفتار افراد کی اکثریت کا پاکستان میں کوئی ریکارڈ نہیں۔ کے پی حکومت کے پاس دہشتگردوں سے لڑنے کے لیے اسلحہ نہیں لیکن فیڈریشن پر چڑھائی کے لیے جدید اسلحہ ہے۔

نعشوں کی سیاست اور سوشل میڈیا

ان کا کہنا تھا کہ نعشوں کی سیاست کرنے والے اب تک درجن بھر بیانات تبدیل کر چکے ہیں۔ صوبائی وزیر نے مزید کہا کہ فتنہ پارٹی کا سوشل میڈیا ہی اس کے لیے وبال جان بن چکا ہے۔ اب وقت آگیا ہے کہ پاکستان میں سوشل میڈیا کو ہر سطح پر ریگولرائز کیا جائے۔ جنہوں نے انقلاب لانا تھا اب وہ ایک دوسرے پر ٹاو¿ٹ اور جاسوس کے الزامات لگا رہے ہیں۔