ملک کو مزید نئے یا “آخری کارڈ” کی نہیں امن اور سیاسی استحکام کی ضرورت ہے،شیری رحمان

اسلام آباد میں شیری رحمان کا بیان

اسلام آباد (ڈیلی پاکستان آن لائن) نائب صدر پیپلز پارٹی سینیٹر شیری رحمان نے کہا کہ ملک کو مزید نئے یا "آخری کارڈ" کی نہیں امن اور سیاسی استحکام کی ضرورت ہے۔

یہ بھی پڑھیں: پی ٹی آئی کے شرپسندوں کو کڑی سے کڑی سزا دلوائیں گے: وزیر اعلیٰ کی سی ایم ایچ راولپنڈی میں زخمی سیکیورٹی اہلکاروں سے گفتگو

تحریک انصاف کی سیاست پر تنقید

پیپلز پارٹی کی سینیٹر نے کہا کہ تحریک انصاف مسلسل عدم استحکام اور تصادم کی خطرناک سیاست کر رہی ہے۔ خدارہ عدم استحکام، بدامنی اور نفرت کی سیاست سے نکل آئیں۔

سیاسی تاریخ کے بدترین دن

ان کا کہنا تھا کہ 9 مئی اور 24 نومبر کو ملکی سیاسی تاریخ کے بدترین دن کے طور یاد رکھا جائے گا۔ کیا آپ اب بھی ان سے نہیں سیکھے؟ اب نسلی تعصب کو ہوا دینے سے بہتر ہے کہ آپ اپنی غلطیوں اور طرز سیاست کو درست کریں۔