قونصل جنرل آف ٹرکیہ کی صوبائی وزیر سہیل شوکت بٹ سے اہم ملاقات،سیاسی اور بین الاقوامی امور پر تبادلہ خیال

قونصل جنرل آف ٹرکیہ کی آمد

لاہور (ڈیلی پاکستان آن لائن) قونصل جنرل آف ٹرکیہ، مسٹر علی ارباس کی سوشل ویلفیئر اینڈ بیت المال پنجاب کے دفتر آمد، جہاں انہوں نے صوبائی وزیر برائے سوشل ویلفیئر و بیت المال سہیل شوکت بٹ سے اہم ملاقات کی۔ اس موقع پر ڈی جی سوشل ویلفیئر، سکندر ذیشان بھی موجود تھے۔

یہ بھی پڑھیں: ملک کے بڑے دریاؤں میں پانی کی آمد میں کمی ریکارڈ

خصوصی سلامی اور اہم امور پر گفتگو

مسٹر علی ارباس کی آمد پر انہیں ٹرکش بینڈ کے ذریعے خصوصی سلامی پیش کی گئی۔ ملاقات کے دوران ملکی، سیاسی اور بین الاقوامی امور پر تبادلہ خیال کیا گیا۔ صوبائی وزیر سہیل شوکت بٹ نے کونسل جنرل کو محکمہ سوشل ویلفیئر اینڈ بیت المال پنجاب کے مختلف فلاحی اقدامات کے بارے میں تفصیلی بریفنگ فراہم کی۔

یہ بھی پڑھیں: پولیو ٹیم سے ناروا سلوک پر 3 افراد کو گرفتار کرلیا گیا

فلاحی اقدامات کی تعریف

مسٹر علی ارباس نے محکمہ سوشل ویلفیئر اینڈ بیت المال پنجاب کے فلاحی اقدامات کی بھرپور تعریف کی۔ انہوں نے وزیراعلیٰ پنجاب مریم نواز کے "دھی رانی پروگرام" کے تحت اجتماعی شادیوں کے اہتمام کو تاریخی اقدام قرار دیا۔ اسی طرح انہوں نے وزیراعلیٰ پنجاب کے "ہمت کارڈ پروگرام" کو بھی انقلابی قدم قرار دیا۔

یہ بھی پڑھیں: 27ویں ترمیم میں صرف آئینی عدالت قائم کی گئی، اس پر میثاق جمہوریت میں بانی پی ٹی آئی سمیت تمام متفق تھے: اعظم نذیر تارڑ

باہمی تعاون کا فروغ

صوبائی وزیر سہیل شوکت بٹ نے بچوں، خواتین، بزرگوں اور معذور افراد کے لیے محکمہ سوشل ویلفیئر کے تحت کیے جانے والے اقدامات پر روشنی ڈالی۔ قونصل جنرل علی ارباس نے اس موقع پر کہا کہ پنجاب بھر کے ضرورت مند طبقے کے لیے محکمہ سوشل ویلفیئر کے فلاحی منصوبے اپنی مثال آپ ہیں۔

ملاقات کا اختتام

ملاقات کے دوران باہمی تعاون کو فروغ دینے کے مختلف پہلوؤں پر بھی بات چیت ہوئی۔ آخر میں، صوبائی وزیر سہیل شوکت بٹ نے مسٹر علی ارباس کو ملاقات کی یادگار کے طور پر ایک خوبصورت سووینیر پیش کیا۔