حضرت فاطمہؓ مسلمان خواتین کی رول ماڈل

یوم شہادت بی بی فاطمہ سلام اللہ علیہا

لاہور(ڈیلی پاکستان آن لائن) خانہ فرہنگ قونصلیٹ جنرل اسلامی جمہوریہ ایران (لاہور) میں دختر رسولؐ، خاتون جنت بی بی فاطمہ سلام اللہ علیہا کا یوم شہادت عقیدت واحترام سے منایا گیا ۔

یہ بھی پڑھیں: امن کی کوششوں میں پاکستان تحریک انصاف سب سے آگے نظر آئے گی، بیرسٹر گوہر

سیمینار: حضرت فاطمہؓ مسلمان خواتین کی رول ماڈل

اس موقع پر "حضرت فاطمہؓ مسلمان خواتین کی رول ماڈل" کے عنوان سے سیمینار کا انعقاد کیا گیا جس میں خواتین کی کثیر تعداد نے شرکت کی اور خطاب کرتے ہوئے مقررین نے سیرت فاطمہؓ پر روشنی ڈالی اور اسوۂ بتولؓ س کو طبقہ نسواں کیلئے نمونہ کامل قراردیا۔

یہ بھی پڑھیں: خیبرپختونخوا حکومت نے پی آئی اے کی خریداری کیلئے ہرحد تک جانے کا اعلان کردیا

ڈی جی خانہ فرہنگ ایران کا صدارتی خطاب

سیدہ کائنات حضرت بی بی فاطمہؓ کے یوم شہادت کے حوالے  سے سیمینار میں صدارتی خطاب کرتے ہوئے ڈی جی خانہ فرہنگ ایران اصغر مسعودی نے کہا کہ  حضرت فاطمہ زہرا سلام اللہ علیہا کے نزدیک بلند ترین مقام رکھتی ہیں،ان کو "محدثہ" کہا گیا کیونکہ فرشتے ان سے بات کرتے تھے۔ رسول اللہ ﷺ نے فرمایا کہ "جو فاطمہ سے محبت کرے گا وہ جنت میں ہوگا، اور جو ان سے دشمنی رکھے گا وہ جہنم میں ہوگا"۔

ڈاکٹر اصغر مسعودی نے کہا کہ حضرت فاطمہؓ ہر پہلو سے مثالی ہیں، والد کے لیے بہترین بیٹی، شوہر کے لیے بہترین زوجہ، اور اولاد کے لیے مثالی ماں۔ وہ ایک ذمہ دار خاتون تھیں، جو معاشرتی اور مذہبی ذمہ داریاں بخوبی ادا کرتی تھیں۔ حضرت فاطمہ سلام اللہ علیہا نہ صرف خواتین بلکہ مردوں کے لیے بھی رول ماڈل ہیں، جن کی زندگی میں دین، قربانی، اور انسانیت کی اعلیٰ قدریں جھلکتی ہیں۔

سیمینار کے دیگر مقررین

سیمینار سے رکن مجلس نظارت امامیہ آرگنائزیشن سید علی رضا نقوی، سربراہ انجمن سفیران رسالت رباب رضوی، جامعہ عروہ الوثقی سے معصومہ محمود اور جماعت اسلامی سے ثمینہ سعید نے بھی خطاب کیا۔ سیمینار کے اختتام پر خواتین نے نوحہ خوانی بھی کی۔