کرسی بچانے کےلیے ڈی چوک پر گولی چلائی گئی، بانی پی ٹی آئی کےساتھ ملاقات کےلیے تیار ہوں، شاہد خاقان عباسی کا بیان

شاہد خاقان عباسی کا بیان

اسلام آباد(ڈیلی پاکستان آن لائن) عوام پاکستان پارٹی کے سربراہ اور سابق وزیراعظم شاہد خاقان عباسی نے کہا ہے کہ کرسی بچانے کےلیے ڈی چوک پر گولی چلائی گئی۔ سرگودھا میں میڈیا سے گفتگو کرتے ہوئے، انہوں نے مزید کہا کہ اڈیالا جیل میں بانی پی ٹی آئی کے ساتھ ملاقات کےلیے تیار ہوں۔ مسلم لیگ ن کا ووٹ کو عزت دو کا بیانیہ دفن ہوچکا ہے۔

یہ بھی پڑھیں: پنجاب حکومت کی شہریوں کو دھواں چھوڑتی گاڑیوں کی اطلاع 15 پر دینے کی ہدایت

حکومت کی حالت اور عوام کی مایوسی

انہوں نے کہا کہ حکومت بند گلی میں کھڑی ہے، ریاست اپنے شہریوں پر گولی نہیں چلاتی ہے، کرسی بچانے کےلیے ڈی چوک میں گولی چلائی گئی۔ شاہد خاقان عباسی نے مزید کہا کہ قوم حکمرانوں اور سسٹم سے مایوس ہے جبکہ مڈ ٹرم انتخابات مسائل کا حل نہیں۔

نواز شریف کا فیصلہ

اُن کا یہ بھی کہنا تھا کہ ن لیگی صدر نواز شریف کو بھی فیصلہ کرنا ہوگا کہ انہوں نے اب کیا کرنا ہے، آئین اور قانون کی پاسداری مسائل کا حل ہے۔