چیمپئنز ٹرافی 2025 کے معاملے پر قوم کو مایوس نہیں کریں گے، محسن نقوی

چیئرمين پی سی بی محسن نقوی کا بیان

لاہور(جاذب صدیقی)پاکستان کرکٹ بورڈ کے چیئرمین محسن نقوی نے کہا کہ چیمپئنز ٹرافی 2025 کے حوالے سے جیسے ہی چیزیں فائنل ہوئیں میڈیا کو بتا دیا جائے گا، انشاء اللہ قوم کو مایوس نہیں کریں گے۔

یہ بھی پڑھیں: کروڑوں کی ڈیل: سلمان خان نے مقبول کاروباری شخصیت کو ٹی وی پر دوغلے پن کا طعنہ دیا

آئی سی سی چیمپئنز ٹرافی کے حوالے سے تازہ ترین

آئی سی سی چیمپن ٹرافی کے حوالے سے بات کرتے ہوئے محسن نقوی کا کہنا تھا کہ آج میٹنگ تھی جو ملتوی ہوگئی ہے، جیسے ہی چیزیں فائنل ہونگی میڈیا کو بتا دیا جائے گا۔ محسن نقوی کا کہنا تھا کہ انشا اللہ چیزیں بہتر ہوں گی اور قوم کو مایوس نہیں کریں گے، میں شرائط پر کوئی بات نہیں کروں گا، چیزیں پہلے آئی سی سی منظور ہوجائیں۔ ہم کوشش کر رہے ہیں کہ پاکستان کرکٹ اور انٹرنیشنل کرکٹ کے لیے بہتری ہو۔

یہ بھی پڑھیں: دہشتگردوں کی دس نسلیں بھی پاکستان اور بلوچستان کا کچھ نہیں بگاڑ سکتیں:آرمی چیف

آئی سی سی کی اہمیت

ان کا کہنا تھا کہ آئی سی سی اگر پھلے پھولے گی تو پوری دنیا کی کرکٹ کو بہتری ملے گی اور اگر آئی سی سی میں کوئی رکاوٹ ہوگی تو پورے دنیا کو نقصان ہوگا۔

یہ بھی پڑھیں: حنا پرویز بٹ باغبانپورہ میں گھریلو تشدد کا شکار ہونیوالی خاتون کے گھر پہنچ گئیں، مرکزی ملزم گرفتار، دیگر کی گرفتاری کیلیےچھاپے

پاکستان کے گراؤنڈز کی بہتری

لاہور میں میڈیا سے گفتگو کرتے ہوئے چیئرمین پی سی بی محسن نقوی کا کہنا تھا کہ پورے پاکستان کے گراؤنڈ کی حالت بہتر کر رہے ہیں، جہاں گراؤنڈز نہیں وہاں زمین خرید کر گراؤنڈز بنائیں گے۔ ہمارا فوکس ہے کہ ہر شہر میں گراؤنڈ ہوں۔

پریکٹس وینیو

چیئرمین پی سی بی کا کہنا تھا کہ ایل سی اے گراؤنڈ چیمپیئنز ٹرافی کا پریکٹس وینیو ہوگا۔