حافظ قرآن ہوں، گلوکار بلال سعید کا انکشاف

بلال سعید کا انکشاف

لاہور(ڈیلی پاکستان آن لائن) معروف گلوکار و اداکار بلال سعید نے انکشاف کیا ہے کہ وہ حافظ قرآن ہیں جب کہ انہوں نے 15 سال قبل ہی شادی کرلی تھی۔

یہ بھی پڑھیں: پی ٹی آئی رہنما عالیہ حمزہ کی ضمانت منظور، رہا کرنے کا حکم

پہلا میوزک البم

نجی نیوز چینل کے پروگرام میں گلوکار نے بتایا کہ ان کا پہلا میوزک البم 2012 میں ریلیز ہوا تھا، حیران کن طور پر البم کے وہ گانے مقبول ہوئے، جنہیں وہ البم میں شامل ہی نہیں کرنا چاہتے تھے۔ انہوں نے کہا کہ اب 12 سال بعد وہ اپنا نیا البم ریلیز کرنے جا رہے ہیں، جس سے انہیں بہت ساری توقعات ہیں۔

یہ بھی پڑھیں: دو دہائیوں کے بعد اسکائپ کی سروس ہمیشہ کے لیے بند ہونے کی وجہ سامنے آگئی

نیا ٹرینڈ اور چالیں

بلال سعید کے مطابق گزشتہ ایک دہائی سے زائد عرصے کے دوران میوزک ایلبمز کا ٹرینڈ ختم ہوگیا، اس لیے وہ بھی سنگل گانے ریلیز کرتے رہے تھے لیکن اب نئی نسل میں بطور گلوکار جگہ بنانے کے لیے نیا ایلبم تیار کیا ہے۔

یہ بھی پڑھیں: تحریک انصاف نے 4 ارکان قومی اسمبلی کو شوکاز نوٹس جاری کر دیئے

گلوکاری کا سفر

بلال سعید نے بتایا کہ مدرسے سے غائب ہونے اور چھٹیاں کرنے کے باوجود حافظ قرآن بنے، جس کے کافی عرصے بعد انہوں نے گلوکاری شروع کی۔ انہوں نے اعتراف کیا کہ حافظ قرآن ہونے کے باوجود گلوکاری شروع کرنے پر انہیں مشکلات پیش آئیں اور انہیں طعنے ملتے تھے۔ وہ لوگوں کو دیکھ کر راستہ بدل دیتے تھے۔

والد کی حمایت

انہوں نے بتایا کہ جب ان کا پہلا گانا ریلیز ہوا اور مقبول ہوا، تب بھی وہ اپنے مدرسے کے استاد کو دور سے دیکھ کر راستہ بدل دیتے تھے۔ بلال سعید نے حافظ قرآن ہونے کے باوجود گلوکاری کرنے کا کریڈٹ والد کو دیا اور کہا کہ والد نے انہیں یہ سمجھ کر گلوکاری کی اجازت دی کہ کل کو ان کا بیٹا یہ نہ کہے کہ والد نے ان پر سختی کی اور انہیں اپنی مرضی کے مطابق زندگی گزارنے نہ دی۔