لاہور میں فحش گانوں پر لڑکیوں کی تصاویر لگانے والا آخر کار پکڑا گیا
ملزم کی گرفتاری
لاہور (ویب ڈیسک) لاہور میں لڑکیوں کی تصاویر پر فحش گانے لگانے والے ملزم کو گرفتار کرلیا گیا۔
یہ بھی پڑھیں: پاکستان کرپٹو کونسل اور ورلڈ لبرٹی فنانشل کے درمیان معاہدے پر دستخط ہوگئے، اعلامیہ جاری
ملزم کی سرگرمیاں
پولیس کے مطابق ملزم زوار حسین ویڈیوز پر گانے لگا کر ٹک ٹاک پر اپ لوڈ کرکے لڑکیوں کو بلیک میل کرتا تھا۔ ملزم کو سائبر کرائم کینٹ ڈویژن کے سب انسپکٹر محمد اعظم نے اپنی ٹیم کے ہمراہ گرفتار کیا۔ ملزم زوار حسین کو ہیومن انٹیلی جنس سمیت جدید ٹیکنالوجی کی مدد سے گرفتار کیا گیا۔
تفتیشی عمل
ڈی آئی جی انویسٹی گیشن ذیشان اصغر کا کہنا ہے کہ تفتیش کے قانونی تقاضوں کو پورا کرتے ہوئے ملزم کو کیفر کردار تک پہنچایا جائے گا۔ خواتین کی ہراسگی اور استحصال کے مرتکب افراد کسی رعایت کے مستحق نہیں۔ ملزم کی گرفتاری پر ایس ایس پی انویسٹی گیشن نے پولیس ٹیم کے لیے تعریفی اسناد کا اعلان کیا۔
