مریم نواز پنجاب کی تقدیر بدلنے جا رہی ہیں: عظمیٰ بخاری

وزیر اطلاعات پنجاب کا دعویٰ

لاہور ( ڈیلی پاکستان آن لائن ) وزیر اطلاعات پنجاب عظمیٰ بخاری نے کہا ہے کہ مریم نواز پنجاب کی تقدیر بدلنے جا رہی ہیں۔

یہ بھی پڑھیں: ایس پی عدیل کی مبینہ خودکشی کے معاملے کی تحقیقات جاری، ماہر نفسیات سے رجوع کرنے کا انکشاف

تاریخی معاہدے اور علاج کی سہولیات

اپنے ایک بیان میں عظمیٰ بخاری کا کہنا تھا کہ مریم نواز دورہ چین کے دوران تاریخی معاہدے کر رہی ہیں۔ مریم نواز نے کینسر کے جدید ترین علاج کا معاہدہ کیا ہے۔ پنجاب میں زراعت کے شعبے میں جدت لانے کیلئے بھی معاہدہ ہو چکا ہے۔

یہ بھی پڑھیں: اوورسیز نے 31.2 ارب ڈالر کی ترسیلاتِ زر بھیجی ہیں، 2 سال میں ان پیسوں میں کتنا اضافہ ہوا؟ وزیر خزانہ نے انکشاف کردیا۔

مخالفین کی ناکام کوششیں

انہوں نے کہا کہ مریم نواز اللہ کی مدد سے صوبے کی قسمت بدل رہی ہیں۔ مخالفین احتجاج، جلسے اور دھرنوں کی سیاست سے باہر نہیں نکل رہے، ایک صوبے میں جس جماعت کی 11 سال سے حکومت ہے وہاں صرف مولا جٹ کی سیریل چل رہی ہے۔ سول نافرمانی کی تحریک چلانے والے کو پہلے بھی منہ کی کھانی پڑی تھی۔

یہ بھی پڑھیں: لاہور گلبرگ میں واقع نجی ہوٹل میں آگ کیسے لگی؟ مختلف اداروں کی ابتدائی تحقیقاتی رپورٹ تیار

ملک کی سیاسی صورتحال

صوبائی وزیر کا کہنا تھا کہ جب بھی ملک ٹریک پر آتا کوئی فتنہ رخنہ ڈالنے نکل پڑتا ہے۔ پاکستان اب کسی فتنے کا متحمل نہیں، قوم کی مدد سے ہر فتنے کو کچل دیا جائے گا، جنہوں نے انقلاب لانا تھا وہ اب آپس میں گتھم گتھا ہو رہے ہیں۔