پہلا ٹی ٹوئنٹی، ساوتھ افریقہ نے پاکستان کو جیت کے لیے ہدف دے دیا

میچ کی تفصیلات

ڈربن(ڈیلی پاکستان آن لائن)پاکستان اور جنوبی افریقہ کے درمیان جاری پہلے ٹی ٹوئنٹی میچ میں پروٹیز نے پاکستان کو جیت کے لیے 184رنز کا ہدف دے دیا۔ ساوتھ افریقین بلے بازوں نے مقررہ 20اوورز میں نووکٹوں کے نقصان پر 183رنز بنائے۔

یہ بھی پڑھیں: جھگڑے کے بعد نصیبو لال کے شوہر کی فائرنگ

ٹاس اور ابتدائی صورتحال

ڈربن میں شیڈول ٹی ٹوئنٹی سیریز کے پہلے میچ میں جنوبی افریقی کپتان ہینرک کلاسن نے ٹاس جیت کر بیٹنگ کا فیصلہ کیا۔ساوتھ افریقہ کی بیٹنگ آغاز میں متاثر کن کھیل پیش کرنے میں ناکام رہی اور پاور پلے کے اندر تین پروٹیز بلے باز آؤٹ ہوئے۔

یہ بھی پڑھیں: معروف پاکستانی اداکارہ کے ہاں 12سال بعد پہلے بچے کی پیدائش

اہم وکٹیں اور شاندار اننگز

شاہین آفریدی نے پہلے ہی اوور میں وین در ڈوسن کی وکٹ لی، تو پھر ابرار احمد نے بھی پاور پلے میں دو کھلاڑیوں ریزا ہینرکت اور میتھو ریزے کو پویلین بھیجا۔ اس کے بعد ڈیوڈ ملر نے 40 گیندوں پر 82 رنز بنا کر شاندار اننگز کھیلی اور اپنی ٹیم کے لیے ایک مضبوط پلیٹ فارم مہیا کیا۔ وہ شاہین آفریدی کی گیند پر آؤٹ ہوئے۔ ہینرک کلاسن 12 اور ڈونون فریرا 7 سکور بنا کر آؤٹ ہوئے۔

نوکر مڈل آرڈر کی کارکردگی

لوئر مڈل آرڈر سے جارج لنڈے نے 48 رنز کی اننگز کھیلی۔ پاکستان کی جانب سے شاہین آفریدی اور ابرار احمد نے تین ،تین وکٹیں حاصل کیں۔ عباس آفریدی نے دو جبکہ سفیان مقیم نے ایک کھلاڑی کو پویلین کی راہ دکھائی۔