شاہین صہبائی کو ایکس پر ڈی ایچ اے کے پلاٹ فروخت نہ ہونے کا دعویٰ مہنگا پڑ گیا

سوشل میڈیا پر دعویٰ مہنگا پڑ گیا

لاہور (ڈیلی پاکستان آن لائن )سینئر صحافی شاہین صہبائی کو سوشل میڈیا پر ڈی ایچ اے کے پلاٹ فروخت نہ ہونے کا دعویٰ اس وقت مہنگا پڑ گیا جب ایک صارف نے خریدنے کی پیشکش کی اور کہا کہ اب بھاگنا نہیں ہے۔

یہ بھی پڑھیں: پشاور :کسٹم ہاؤس ٹاؤن روڈ پر فائرنگ ، ایک شخص جاں بحق

شاہین صہبائی کا دعویٰ

تفصیلات کے مطابق شاہین صہبائی نے سابقہ ٹویٹر اور موجودہ ایکس پر پیغام جاری کرتے ہوئے دعویٰ کیا کہ ’ایک دوست نے بتایا وہ اپنا ڈی ایچ اے فیز 8 لاہور کا پلاٹ بیچنے کی کوشش کر رہے ہیں جس کی قیمت 2019 میں دو لاکھ 38 ہزار ڈالر تھی اور آج کوئی اس پلاٹ کو ایک لاکھ 30 ہزار ڈالر میں لینے کو تیار نہیں ہے۔ یہ حال بھی سے فوجی پلاٹس اور فوجی دودھ دہی اور کچرے کا ہو گیا ہے۔

یہ بھی پڑھیں: لائٹ نہیں آتی تھی تو ٹارچ کی روشنی میں پڑھتا تھا، 28 برس بعد پہلی مرتبہ گورنمنٹ سکول کے بچے نے میٹرک میں پہلی پوزیشن حاصل کر لی

ڈاکٹر سیدہ صدف کا ردعمل

ڈاکٹر سیدہ صدف نے جواب دیا کہ ’’شاہین صاحب! میرا ڈی ایم اوپن ہے، اس دوست کا نمبر بھیجیں، میں خریدنے کیلئے تیار ہوں، پیسے نقد اور ڈالرز میں ادائیگی ہو گی، جس ملک میں آپ چاہیں، ڈیل فائنل ہی سمجھیں، اب بھاگنا نہیں ہے۔