ہمارا مینڈیٹ چرا کر احتجاج کا حق بھی چھین لیا گیا: شبلی فراز

پی ٹی آئی کے رہنما کی تشویش

اسلام آباد (ڈیلی پاکستان آن لائن) پی ٹی آئی کے رہنما، سابق وفاقی وزیر اور سینیٹ میں اپوزیشن لیڈر شبلی فراز نے کہا ہے کہ ہم سے انتخابی نشان چھین لیا گیا ہے۔ ہماری قیادت کو گرفتار یا مجبور کیا گیا کہ منظرعام پر نہ آئے۔

یہ بھی پڑھیں: پاکستان سے شکست، بھارتی چیفس آف ڈیفنس سٹاف عوام کو کرکٹ کی مثالوں سے تسلیاں دینے لگے

انتخابات کی شفافیت پر سوالات

بہت پہلے سے آثار نمایاں تھے کہ عام انتخابات شفاف نہیں ہوں گے۔ ہم سے ہمارا مینڈیٹ چرایا گیا۔ پی ٹی آئی پر غیر معمولی مظالم ڈھائے گئے ہیں۔

یہ بھی پڑھیں: India’s ₹25 Toilet Tax Sparks Outrage

سیاسی سرگرمیوں کی اہمیت

سینیٹ کے اجلاس میں اظہارِ خیال کرتے ہوئے شبلی فراز نے کہا کہ ہم نے جمہوری و آئینی حق استعمال کرتے ہوئے سیاسی سرگرمیاں جاری رکھیں۔ احتجاج نہ کرنا زیادہ شرم ناک ہوتا ہے۔

یہ بھی پڑھیں: کراچی کے 25 ٹاؤنز میں پارکنگ فیس ختم، نوٹیفکیشن جاری

پرامن احتجاج کی کامیابی

سینیٹ کے اپوزیشن لیڈر نے کہا کہ احتجاج میں جلسے بھی ہوتے ہیں اور ریلیاں بھی نکالی جاتی ہیں۔ ہم نے پرامن احتجاج کی کال دی اور لاکھوں لوگ آئے۔

یہ بھی پڑھیں: توڑ پھوڑ کا کیس: اسد قیصر کی عبوری ضمانت میں توسیع

سیاسی شعور کی نشانی

شبلی فراز کا کہنا تھا کہ معاشرہ سیاسی طور پر باشعور ہو چکا ہے۔ ہمارے دور میں بھی احتجاج کیا گیا مگر ہم نے کبھی رکاوٹ کھڑی نہیں کی، کسی کو نہیں روکا۔ ہم سے ہمارا احتجاج کا جمہوری حق چھینا گیا۔

یہ بھی پڑھیں: سول سرونٹ ایکٹ میں ترمیم منظور، افسران پر اپنے و اہل خانہ کے اثاثے ظاہر کرنا لازمی قراردیدیا گیا

الیکشن ٹربیونلز کے حوالے سے خدشات

سابق وفاقی وزیر کا کہنا تھا کہ الیکشن ٹربیونلز محض مذاق بن کر رہ گئے ہیں۔ مخصوص نشستوں کے حوالے سے تاحال جو ہوا وہ سب کے سامنے ہے۔ سینیٹ، قومی اسمبلی اور صوبائی اسمبلیاں تاحال نامکمل ہیں۔

معلومات کی تقسیم اور بحث کا مطالبہ

شبلی فراز کا کہنا تھا کہ جب یہ سب کچھ جاری رہا تو ہم نے پرامن احتجاج کی کال دی۔ ہمیں بحث بھی کرنی ہے اور حقائق بھی سامنے رکھنے ہیں۔