سینئر بالی ووڈ اداکار مشتاق خان اغوا، تشدد کے بعد کس طرح فرار ہونے میں کامیاب ہوئے؟ دل دہلا دینے والی کہانی

اداکار مشتاق خان کا اغوا

نئی دہلی (ڈیلی پاکستان آن لائن) مشہور فلمی اداکار مشتاق خان، جو "ہم ہیں راہی پیار کے" اور "ویلکم" جیسی فلموں میں اپنی اداکاری کے لیے جانے جاتے ہیں، اتر پردیش کے میرٹھ میں اغوا، گھنٹوں تشدد اور دو لاکھ روپے تاوان ادا کرنے کے بعد فرار ہونے میں کامیاب ہوگئے۔ پولیس نے اس واقعے کی ایف آئی آر درج کر لی ہے۔

یہ بھی پڑھیں: امریکا کی اسرائیل کو مراعات: ایران کے مخصوص اہداف کو نشانہ بنانے کی پیشکش کا انکشاف

کال اور دعوت کا آغاز

این ڈی ٹی وی کے مطابق 15 نومبر کو مشتاق خان کو ان کے ممبئی کے گھر پر ایک کال موصول ہوئی۔ کالر، جس کا نام راہول سینی بتایا گیا، نے انہیں میرٹھ میں ایک ایسے ایونٹ میں شرکت کے لیے مدعو کیا، جہاں کچھ لوگوں کو ایوارڈ دیا جانا تھا۔ اداکار پہلے بھی ایسے ایونٹس میں شرکت کرتے رہے ہیں، اس لیے انہیں کسی خطرے کا احساس نہیں ہوا۔

یہ بھی پڑھیں: بانی پی ٹی آئی اور بشریٰ بی بی کی عبوری ضمانتوں میں 7دسمبر تک توسیع

فیس اور ٹکٹ کی پیشکش

راہول سینی نے اداکار کو ایونٹ میں شرکت کے لیے فیس دینے کا وعدہ کیا اور فوری طور پر ایڈوانس کی مد میں 25 ہزار روپے ان کے اکاؤنٹ میں منتقل کردیے اور باقی رقم بعد میں دینے کا کہا۔ کالر نے انہیں ممبئی سے دہلی کا ہوائی ٹکٹ بھی بھیج دیا۔

یہ بھی پڑھیں: میڈیکل اور ڈینٹل کالجز میں ہراسمنٹ سے پاک ماحول کیلیے بڑا قدم اٹھا لیا گیا

پہلا سفر اور مشکوک حالات

بیس نومبر کو مشتاق خان دہلی پہنچے اور راہول سینی کی طرف سے بھیجی گئی ٹیکسی میں بیٹھ گئے۔ گاڑی میں ڈرائیور کے علاوہ ایک اور شخص بھی تھا۔ گاڑی کچھ دیر بعد رکی اور انہیں دوسری گاڑی میں بیٹھنے کو کہا گیا۔ شکایت کے مطابق دوسری گاڑی میں بھی وہی ڈرائیور تھا اور مزید دو افراد بھی ان کے ساتھ بیٹھ گئے۔ پھر گاڑی دوبارہ رکی اور مزید دو افراد اندر آ گئے۔

یہ بھی پڑھیں: لاہور کتاب میلے میں 35 کتابیں، 1200 شاورمے اور 800 بریانی کی فروخت کے دعووں کی حقیقت کیا ہے؟

اغوا اور تشدد کا واقعہ

اس موقع پر مشتاق خان کو شک ہوا، اور انہوں نے احتجاج کیا۔ اغواکاروں نے ان کے سر پر ایک چادر ڈال دی اور انہیں سر جھکانے کو کہا۔ تقریباً تین سے چار گھنٹے کے سفر کے بعد وہ ایک گھر پہنچے، جہاں اغواکاروں نے ان پر تشدد کیا اور ان سے کہا کہ اپنے خاندان کو کال کرکے ان کے اکاؤنٹ میں رقم منتقل کریں۔ اغواکاروں نے ان کا فون لیا اور تقریباً دو لاکھ روپے اپنے اکاؤنٹ میں منتقل کروا لیے۔

یہ بھی پڑھیں: ٹیلی ویژن پر آنیوالے اشتہارات اس اندازفکر کو تسکین اور تقویت پہنچاتے ہیں کہ آپ کو دوسروں کی خواہش اورمرضی کے مطابق عمل کرنا چاہیے

بھاگنے کی کوشش اور مدد

اغواکاروں نے رات کے وقت شراب نوشی شروع کی، صبح سویرے جب وہ بے ہوش ہو گئے، تو مشتاق خان کسی طرح فرار ہونے میں کامیاب ہوگئے۔ وہ ایک قریبی مسجد پہنچے، جہاں ایک امام نے ان کی مدد کی اور ان کے خاندان سے رابطہ کروایا۔

پولیس کی کارروائی

مشتاق خان کے منیجر کی جانب سے درج کی گئی شکایت میں اغواکاروں کے خلاف سخت کارروائی کا مطالبہ کیا گیا ہے۔