کراچی میں گرمی کا زور ٹوٹنے کی پیشگوئی، رواں ہفتے مغربی ہواؤں کے 2 سسٹم اثر انداز ہونے کا امکان

ہواؤں کے سسٹم کا اثر

کراچی(ڈیلی پاکستان آن لائن) ملک میں رواں ہفتے مغربی ہواؤں کے 2 سسٹم اثر انداز ہونے کا امکان ہے۔ نجی ٹی وی "جیو نیوز" نے موسمیاتی تجزیہ کار جواد میمن کے حوالے سے بتایا کہ معتدل شدت کے سسٹم کی وجہ سے کہیں کہیں ژالہ باری بھی ہوسکتی ہے۔

یہ بھی پڑھیں: فیض حمید کا ٹرائل کب تک مکمل ہوگا؟ سینئر صحافی نے تہلکہ خیز دعویٰ کردیا

بارش کا امکان

اس سسٹم کے تحت شمالی علاقوں میں آج رات سے 13 اپریل تک گرج چمک کے ساتھ بارش کا امکان ہے۔ موسمیاتی تجزیہ کار نے بتایا کہ پنجاب کے مختلف علاقوں میں آندھی اور گرج چمک کے ساتھ بارش کا امکان ہے جبکہ پنجاب کے میدانی علاقوں میں آندھی آسکتی ہے۔

یہ بھی پڑھیں: بھارت میں شوہر کے سامنے نئی نویلی دلہن کے ساتھ اجتماعی زیادتی

بلوچستان میں بارش

ادھر بلوچستان کے چند مقامات پر آج سے 11 اپریل کے دوران بارش کا امکان ہے، کوئٹہ، ژوب، زیارت، پشین اور قلعہ سیف اللہ میں درمیانی شدت کی بارش ہوسکتی ہے۔

یہ بھی پڑھیں: آدمی نے اپنی بیٹی کی عمر کی لڑکی سے شادی کرلی، دونوں کی عمر میں کتنا فرق ہے؟

درجہ حرارت کی صورتحال

جواد میمن کے مطابق آئندہ دنوں بالائی اور وسطی سندھ میں درجہ حرارت 44 سے 47 ڈگری سینٹی گریڈ تک رہ سکتا ہے جبکہ سکھر، جیکب آباد، لاڑکانہ اور دیگر علاقوں میں شدید گرمی اپنا زور دکھائے گی۔

کراچی کی موسمی صورتحال

انہوں نے مزید بتایا کہ کراچی سمیت سندھ کی ساحلی پٹی پر 10 سے 12 اپریل تک گرج چمک کے ساتھ بادلوں کی تشکیل کا امکان ہے، کراچی کے مضافات میں جمعرات اور جمعہ کو مقامی سطح پر گرج چمک کے بادل بن سکتے ہیں، نم ہواؤں اور گرمی کے باعث گڈاپ، ملیر اور سپرہائی وے کے اطراف بارش ہو سکتی ہے۔