سابق وزیر اعظم نوازشریف اور وزیراعلیٰ مریم نواز سے کرپٹو کرنسی ایکسچینج بائیننس کے بانی چانگ پنگ ژاؤ کی ملاقات

ملاقات کی تفصیلات

لاہور (ڈیلی پاکستان آن لائن) پاکستان مسلم لیگ (ن) کے صدر و سابق وزیر اعظم محمد نوازشریف سے سب بڑی عالمی کرپٹو کرنسی ایکسچینج بائنانس کے سابق سی ای او اور بانی چانگ پنگ ژاؤ نے ملاقات کی۔ وزیراعلیٰ پنجاب مریم نواز اور پاکستان کرپٹو کونسل کے سی ای او بلال بن ثاقب بھی موجود تھے۔ محمد نواز شریف اور وزیراعلیٰ مریم نواز نے چانگ پنگ ژاؤ کی پاکستان کرپٹو کونسل کے سٹریٹجک ایڈوائزر کے طور پر تقرری کا خیر مقدم کیا۔

یہ بھی پڑھیں: جب آپ اپنی مرضی کے احساسات کا انتخاب کر سکتے ہیں، تب آپ ذہانت کی طرف بڑھنے لگتے ہیں

پاکستان کی عالمی شناخت

محمد نوازشریف اور وزیراعلیٰ مریم نواز نے چانگ پنگ ژاؤ کے تقرر کو ویب تھری اور ڈیجیٹل فنانس میں ریجنل ہب کے طور پر پاکستان کی شناخت کے اظہار کے لیے معاون اقدام قرار دیا ہے۔ ملاقات میں ملک میں ڈیجیٹل اکانومی پر تبادلۂ خیال کیا گیا۔ اس موقع پر اختراعی علوم کے ذریعے ترقی کے ویژن کو اپنانے اور ڈیجیٹل ٹرانسفارمیشن کے لیے جدید علوم کے رجحانات کے فروغ پر اتفاق کیا گیا۔ بائنانس کے بانی نے پاکستان میں 3 مرتبہ وزیر اعظم رہنے والے مسلم لیگ (ن) کے قائد محمد نوازشریف کے ایمرجنگ ٹیکنالوجیز کے فروغ کے وژن کو خراج تحسین پیش کیا۔

یہ بھی پڑھیں: پشاور ہائیکورٹ: اسد قیصر کی 3 ہفتوں کیلئے راہداری ضمانت منظور

ڈیجیٹل اثاثوں کا مستقبل

ملاقات میں ڈیجیٹل اثاثہ جات اور فیوچر ٹیکنالوجی میں نوجوانوں کی شراکت کے امور پر بھی تفصیلی گفتگو کی گئی۔ چانگ پنگ ژاؤ نے ابھرتی بلاک چین ٹیکنالوجی اور گلوبل انٹرپرینیورشپ کے امکانات سے آگاہ کیا۔

یہ بھی پڑھیں: آئی سی سی ویمنز ٹی ٹوئنٹی ورلڈ کپ: پاکستان کا فاتحانہ آغاز

نوجوانوں کی صلاحیتیں

محمد نوازشریف نے کہا کہ مسٹر ژاؤ جیسی قابل قدر شخصیات سے ملاقات میں ترقی اور مواقع کی نئی راہیں ہموار ہوتی ہیں۔ پاکستان اختراعی تبدیلیوں کا شراکت دار بننے کے لیے تیار ہے۔ پاکستان کو دور جدید کے تقاضوں کے مطابق تیزی سے بدلتی ہوئی ٹیکنالوجیز کو اپنانا ہوگا۔

عالمی ڈیجیٹل مارکیٹ کی تیاری

وزیراعلیٰ مریم نواز نے کہا کہ نوجوانوں کو آئی ٹی سکلز سکھا کر عالمی ڈیجیٹل مارکیٹ کے لیے تیار کر رہے ہیں۔ پنجاب مستقبل کی ٹیکنالوجیز کو اپنانے کے لیے بالکل تیار ہے۔ ہماری پوری توجہ نالج بیسڈ ٹیکنالوجی پر مرکوز ہے۔ نالج بیسڈ ٹیکنالوجی نئی جنریشن کو اختراعی اور ڈیجیٹل انٹرپرائزز کی راہ گامزن کرے گی۔ بائنانس کے سی او چانگ پنگ ژاؤ نے شاندار میزبانی پر مسلم لیگ (ن) کے قائد محمد نوازشریف کا شکریہ ادا کیا۔ چانگ پنگ ژاؤ نے ڈیجیٹل علوم میں پاکستانی نوجوانوں کی صلاحیتوں کو سراہا۔