بھارتی کھلاڑی کو انتہائی بڑا جرمانہ کر دیا گیا

آر سی بی کے کپتان پر جرمانہ

ممبئی (ڈیلی پاکستان آن لائن) انڈین پریمیئر لیگ میں رائل چیلنجرز بینگالورو (آر سی بی) کے کپتان رجت پاٹیدار پر ممبئی انڈینز کے خلاف میچ میں سلو اوور ریٹ پر 12 لاکھ بھارتی روپے کا جرمانہ عائد کر دیا گیا۔ یہ آئی پی ایل 2025 میں سلو اوور ریٹ پر عائد کیا جانے والا پہلا جرمانہ ہے۔

یہ بھی پڑھیں: کچے کے ڈاکوؤں نے بچوں کو اغوا کر لیا، ویڈیو بھی ریلیز

میچ کی تفصیلات

تفصیلات کے مطابق آئی پی ایل میں پہلی بار کپتانی کرنے والے رجت پاٹیدار نے پیر کے روز ممبئی انڈینز کے خلاف اپنی قائدانہ صلاحیت کو بروئے کار لاتے ہوئے سنسنی خیز مقابلہ 12 رنز سے جیتا۔ البتہ گیند بازوں کو درست طریقے سے استعمال کرنے کی غرض سے وقت ضائع ہونے پر ان کو جرمانے کا سامنا کرنا پڑ گیا۔

رواں سیزن کی کارکردگی

واضح رہے رواں سیزن میں رائل چیلنجرز کے رجت پاٹیدار نے کولکتہ نائٹ رائڈر کو کولکتہ میں، چنئی سپر کنگز کو چیپک میں اور ممبئی انڈینز کو وانکھڈے میں شکست دے کر اپنے چار میچز میں تین فتوحات سمیٹنے کے بعد پوائنٹس ٹیبل پر تیسری پوزیشن سنبھالی ہوئی ہے۔