شاہ محمود قریشی نے خود کو قیدی نمبر 805 قرار دیدیا لیکن انہیں یہ نمبر کس نے دیا؟ جانیے

شاہ محمود قریشی کی گفتگو

لاہور (آئی این پی) پی ٹی آئی کے رہنما شاہ محمود قریشی نے کہا ہے کہ دیانتداری سے کہہ رہا ہوں جن کیسز میں ہم جیل میں ہیں میں ان میں ملوث نہیں ہوں۔ ہماری جماعت کی قیادت جو بیرون ملک ہے، ان سے اپیل ہے کہ برائے مہربانی جو جیل میں پڑے ہیں وہ آپ کی طرف دیکھ رہے ہیں۔ ایک دوسرے پر بیان بازی کریں، نہ نقطہ چینی۔

یہ بھی پڑھیں: وزیراعلیٰ مریم نواز نے “گل داؤدی” کی سالانہ نمائش اور کمرشل نرسری کا افتتاح کردیا، عوام کوکھانے پینے کی اشیاء رعایتی نرخ پر مہیا کرنے کی ہدایت

انسداد دہشت گردی عدالت میں پیشی

انسداد دہشت گردی عدالت لاہور پیشی کے موقع پر میڈیا سے غیر رسمی گفتگو میں سابق وزیر خارجہ شاہ محمود قریشی نے کہا کہ ہماری جماعت کی قیادت جو باہر ہے ان سے اپیل کرتے ہیں، برائے مہربانی جو جیل میں پڑے ہیں وہ آپ کی طرف دیکھ رہے ہیں۔ میری دست بدستہ استدعا ہے کہ اتفاق رکھیے۔

یہ بھی پڑھیں: غزہ میں اسرائیلی فوج کا کرنل مارا گیا

جیل کے قیدیوں کی حمایت

شاہ محمود قریشی نے کہا کہ جیل سے باہر جو لوگ موجود ہیں وہ ایک دوسرے پر بیان بازی نہ کریں، آپس میں سلوک رکھیں اور جیل والوں کے لیے کوئی قدم اٹھائیں۔ ان کے اختلافات سے جیل میں موجود قیادت اور کارکنوں کے دل جلتے ہیں۔ نقطہ نظر مختلف ہو سکتا ہے مگر احترام کے ساتھ برتا کریں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

یقین دہانی اور خود کو بے گناہ ثابت کرنا

انہوں نے مزید کہا کہ اپنی صفحوں کے اندر یکجہتی رکھیں، میں قیدی نمبر 805 ہوں، مجھے بانی پی ٹی آئی نے یہ نمبر 805 دیا تھا۔ دیانتداری سے کہہ رہا ہوں جن کیسز میں ہم جیل میں ہیں میں ان میں ملوث نہیں ہوں۔

یہ بھی پڑھیں: حکومت کو جواب دینا ہوگا 26 نومبر کو گولی کیوں چلائی؟ بیرسٹر سیف

مقدمات کی تفصیلات

پی ٹی آئی رہنما کا کہنا تھا کہ میں کسی سازش، توڑ پھڑ یا واقع میں موجود نہیں تھا۔ میرے خلاف جو مقدمات بنے ہیں ان میں ایک ہی الزام ہے۔ راولپنڈی میں 14 مقدمات، ملتان میں 5 مقدمات میں ضمانت ہو چکی ہے، لاہور میں 14 مقدمات سے 8 میں ضمانت ہو گئی ہے، باقی 6 رہ گئے ہیں۔