ڈنمارک کا پاکستانی بندرگاہوں کی ترقی کیلئے سرمایہ کاری کا اعلان

پاکستان اور ڈنمارک کی شراکت داری

اسلام آباد (آئی این پی) ایس آئی ایف سی کی معاونت سے پاکستان اور ڈنمارک نے دو ارب ڈالر کی شراکت داری کے تحت بحری انفراسٹرکچر کی ترقی پر اتفاق کر لیا۔

یہ بھی پڑھیں: بیٹے پر جادو ٹونے کا الزام، گینگ لیڈر کے ہاتھوں بزرگوں کا قتلِ عام، 184 افراد ہلاک

گرین ٹیکنالوجیز کے نفاذ

یورپی ملک ڈنمارک کی شپنگ کمپنی "اے پی مولر" اور پاکستان کی "مارسک شپنگ کمپنی" کی قیادت میں پاکستان کی بندرگاہوں میں جدید گرین ٹیکنالوجیز کے نفاذ کے لیے سرمایہ کاری کا اعلان کیا گیا۔ لاجسٹکس کے انفراسٹرکچر کی اپ گریڈیشن اور بندرگاہوں سے قابل تجدید توانائی حاصل کرنے کی منصوبہ بندی کر لی گئی۔ منصوبے کا بنیادی مقصد ماحولیاتی آلودگی کو کم کرنا اور بحری صنعت کو توانائی کے بہتر وسائل اور تکنیکوں سے ہم آہنگ کرنا ہے۔

یہ بھی پڑھیں: خضدار میں دہشت گردی کا نشانہ بننے والی بس میں 46 بچے سوار تھے، وزیراعلیٰ بلوچستان سرفراز بگٹی

ماحولیاتی دوست نقل و حمل کی ترقی

دونوں کمپنیوں کے اشتراک سے گرین شپنگ کے ذریعے سامان کی نقل و حمل کے عمل کو ماحول دوست بنانے کی کوشش کی جائے گی۔ جدید بحری ٹیکنالوجی اپنانے سے پاکستان کی برآمدات میں اضافہ متوقع ہے۔ طویل مدتی اقتصادی ترقی کو فروغ دینا منصوبے کا حصہ ہے۔

تربیت اور ترقی

منصوبے کے تحت پاکستان میں ماہر بحری پیشہ ور افراد کو جدید ماحول دوست جہازوں سے متعلق تربیت فراہم کی جائے گی۔ ایس آئی ایف سی کی بھرپور معاونت سے حکومت بحری صنعت کے فروغ کے ذریعے ملکی معیشت کے استحکام کے لیے کوشاں ہے۔