گرینڈ ہیلتھ الائنس میں شامل 40 تنظیموں نے ہسپتالوں کے آؤٹ ڈور بند کر دیئے ، پنجاب حکومت کو کیا “دھمکی ” دیدی ؟ جانیے.

بائیکاٹ کا آغاز

لاہور( جاوید اقبال سے) گرینڈ ہیلتھ الائنس میں شامل 40 تنظیموں نے ہسپتالوں کے آؤٹ ڈور بند کر دیئے۔ تمام تنظیموں نے فیصلہ کیا ہے کہ لاہور جنرل ہسپتال اور جناح ہسپتال کے آؤٹ ڈور کا بائیکاٹ آج سے شروع کر دیا ہے۔ اس کے ساتھ ساتھ اضلاع، ڈویژن اور ڈسٹرکٹ لیول پر بھی سروسز کے بائیکوٹ کا اعلان کر دیا گیا ہے۔ فیصلے میں پاکستان میڈیکل ایسوسی ایشن بھی شامل ہو گئی ہے۔

یہ بھی پڑھیں: کرپٹو سٹوری میں عثمان شامی نے علی ڈار کا نام لے کر تفصیل بیان کی ہے، اسحاق ڈار کے خلاف ضرور کچھ ہونے والا ہے ورنہ ان لوگوں کا نام لے کر ٹی وی پر خبر دینے کی اجازت نہیں تھی، شہباز گل

ڈاکٹر سلمان حسیب چودری کا بیان

نمائندہ پاکستان" سے خصوصی گفتگو کے دوران الائنس کے چیئرمین ڈاکٹر سلمان حسیب چودری نے کہا کہ اس کے علاوہ کوئی چارہ نہیں ہے۔ کئی روز سے کھلے آسمان تلے پنجاب سے آئے ہوئے عورتیں، مرد اور بچے بیٹھے ہیں مگر حکومت ٹس سے مس نہیں ہو رہی۔ کسی نے پوچھا تک نہیں کہ کیا لینے آئے ہو اور اب سینہ زوری کرتے ہوئے محکمہ پرائمری اینڈ سیکنڈری ہیلتھ 315 بنیادی مراکز صحت کو مریم نواز ہسپتال کا نام دے کر آؤٹ سورس کر رہا ہے اور پرائیویٹ مافیا کے حوالے کر رہا ہے جو نامنظور ہے۔

یہ بھی پڑھیں: یو این سیکریٹری جنرل اور صحافیوں کی عالمی تنظیم CPJ کی ایرانی ٹی وی چینل پر حملے کی مذمت

روزنامہ "پاکستان" کا کردار

انہوں نے کہا کہ آج روزنامہ "پاکستان" میں بھی اس حوالے سے نمایاں سٹوری شائع ہوئی ہے جس پر ہم قبل از وقت خبر دینے پر روزنامہ "پاکستان" کے مشکور ہیں کہ انہوں نے قبل از وقت ہمیں خطرہ سے آگاہ کیا۔ ہم نے جناح اور جنرل ہسپتال کے آؤٹ ڈور سے ڈاکٹرز، عملہ اور نرسوں کو وڈرا کر لیا ہے۔ دیکھتے ہیں حکومت آؤٹ ڈورز ڈاکٹرز اور پیرامیڈیکل سٹاف کے بغیر کیسے چلاتی ہے۔

یہ بھی پڑھیں: کراچی میں گھر کی کھدائی کے دوران انسانی باقیات برآمد، 30 سال پرانا قتل کا معمہ سامنے آگیا

حکومتی اقدامات پر تنقید

ڈاکٹر سلمان حسیب نے کہا کہ پھر تو ہم یہ کہتے ہیں کہ حکومت سے حکومت نہیں چل رہی تو اس کو بھی آؤٹ سورس کر دیا جائے، پورا صوبہ آؤٹ سورس کر دیا جائے اور ملک آؤٹ سورس کر دیا جائے۔

مزید بائیکاٹ کا ممکنہ راستہ

انہوں نے بتایا کہ ڈویژنل سطح پر بھی ہسپتالوں کی آؤٹ ڈورز کا بائیکاٹ کر دیا گیا ہے۔ حکومت نہ مانی تو پورا پنجاب بند کر دیں گے۔ ہم غریب مریضوں کی جنگ لڑ رہے ہیں، عوام ہمارا ساتھ دیں اور ہمارے ساتھ آ کر بیٹھیں۔