عمران خان سے ملاقات نہ کرانے پر نیاز اللہ نیازی نے سپرنٹنڈنٹ اڈیالہ جیل عمران ریاض کے نام درخواست لکھ دی، وصولی سے انکار

ملاقات کی درخواست

راولپنڈی(آئی این پی) بانی پی ٹی آئی سے ملاقات نہ کرانے پر نیاز اللہ نیازی نے سپرنٹنڈنٹ اڈیالہ جیل کے نام درخواست لکھ دی ہے۔

یہ بھی پڑھیں: 13 کروڑ روپے کی ڈکیتی کا مقدمہ، 2 ٹک ٹاکرز کی ضمانتیں منظور، 2 کی مسترد

درخواست کا متن

درخواست میں کہا گیا کہ سلمان اکرم راجہ نے پانچ رہنماؤں کے نام ملاقات کے لئے دیئے، بانی سے عمر ایوب، شبلی فراز، علامہ راجہ ناصر عباس، ملک احمد بھچر اور نیاز اللہ نیازی نے جمعرات کو ملاقات کرنا تھی۔ درخواست متن میں کہا گیا کہ عمر ایوب اور نیاز اللہ نیازی اڈیالہ جیل پہنچے، دیگر رہنماؤں کو اڈیالہ جیل کے قریب پولیس چوکی اڈیالہ جیل کی نفری نے روک لیا۔

یہ بھی پڑھیں: پوری آپریشن میں نواز شریف کی مشاورت شامل تھی، اسحاق ڈار

توہین عدالت کا دعویٰ

بانی پی ٹی آئی سے ملاقات نہ کرانے اور اڈیالہ جیل سے پہلے روکنا توہین عدالت ہے۔ درخواست میں کہا گیا کہ جیل انتظامیہ اور اڈیالہ چوکی پولیس اسلام آباد ہائی کورٹ اور اے ٹی سی کورٹ کے فیصلے کی خلاف ورزی کر رہی ہے۔