اہل غزہ کو ان کی سرزمین سے نکالنے کی کسی سازش کو تسلیم نہیں کیا جاسکتا، طاہر اشرفی

حافظ طاہر اشرفی کا فلسطین کی حمایت میں بیان

لاہور(آئی این پی)پاکستان علما کونسل کے چیئرمین حافظ طاہر اشرفی نے کہا ہے کہ فلسطین اہل فلسطین کا ہے، اہل غزہ کو ان کی سرزمین سے نکالنے کی کسی سازش کو تسلیم نہیں کیا جاسکتا۔

یہ بھی پڑھیں: اسلام آباد ہائی کورٹ کا اہم فیصلہ: روزنامہ ’’خبروالے‘‘ کی رجسٹریشن کی تجدید مسترد کرنے کا حکم کالعدم، پریس رجسٹرار کو 15 روز میں سرٹیفکیٹ جاری کرنے کی ہدایت

یکجہتی فلسطین کے خطبات

میڈیا سے گفتگو کرتے ہوئے حافظ طاہر اشرفی نے کہا کہ یکجہتی فلسطین کے عنوان پر خطبات جمعہ دیئے گئے، اسرائیل کی جارحیت کو کسی صورت تسلیم نہیں کیا جائے گا۔ انہوں نے کہا کہ اہل فلسطین کیلئے حکومت اور مختلف تنظیمیں امداد بھیج رہی ہیں، ہم اپنے احتجاجی مظاہروں میں پرامن رہے، اس وقت امت مسلمہ کو ایک کرنے کی ضرورت ہے، تمام اہل اسلام سے دعا کی اپیل کرتے ہیں۔

یہ بھی پڑھیں: معروف اطالوی اداکارہ کلاڈیا کارڈینیل 87 برس کی عمر میں چل بسیں

اسرائیلی مصنوعات کا بائیکاٹ

حافظ طاہر اشرفی نے کہا کہ ہمیں اسرائیلی مصنوعات کا بائیکاٹ کرنا چاہیے، ہم ایک آزاد فلسطینی ریاست چاہتے ہیں، تمام مسلم دنیا کے اکابرین کو مکہ مکرمہ میں جمع کیا جائے۔انہوں نے کہا کہ آزاد فلسطینی ریاست کے قیام کیلئے عملی اقدامات اٹھائے جائیں، پاکستان کی فوج، حکومت اور عوام اہل فلسطین کے شانہ بشانہ کھڑی ہے، فلسطین اور غزہ ہمارا ہے، تھا اور رہے گا۔

دعا اور حمایت

حافظ طاہر اشرفی نے کہا کہ ہمارے دل اہل فلسطین کے ساتھ ہیں، اللہ اہل فلسطین اور کشمیر کو آزادی نصیب کرے۔