جاپان نے مختصر وقت میں پہلا 3ڈی ریلوے اسٹیشن تعمیر کرلیا

جاپان میں ریلوے اسٹیشن کی حیرت انگیز تعمیر

ٹوکیو (آئی این پی) ویسٹ جاپان ریلوے کمپنی نے صرف 6 گھنٹے کے دوران ایک ریلوے سٹیشن تعمیر کر دیا۔

یہ بھی پڑھیں: پاک بھارت ڈی جی ایم اوز کا تیسرا رابطہ، کیا بات چیت ہوئی؟ تفصیل سامنے آ گئی

دنیا کا پہلا 3 ڈی پرنٹر شدہ ریلوے اسٹیشن

میڈیارپورٹ کے مطابق جاپانی ریلوے کمپنی نے یہ حیرت انگیز کام 3 ڈی پرنٹنگ سے ممکن بنایا، یہ دنیا کا پہلا 3 ڈی ریلوے اسٹیشن ہے جو جاپان کے علاقے اریڈا میں تعمیر کیا گیا۔ واضح رہے کہ اس جگہ 1948 سے لکڑی سے بنا ایک سٹیشن موجود تھا جس کو 3 ڈی پرنٹڈ ریلوے سٹیشن سے بدلا گیا ہے۔

یہ بھی پڑھیں: پبلک ٹوائلٹ میں چھوڑی گئی نومولود کو سینیٹری ورکرز نے بچالیا

نئے ہاتسوشیما سٹیشن کی تفصیلات

نیا ہاتسوشیما سٹیشن روزانہ 530 مسافروں کی میزبانی کرتا ہے اور یہاں ہر گھنٹے ایک سے 3 ٹرینیں گزرتی ہیں۔ اس سٹیشن کیلئے 3 ڈی پرنٹر سے مختلف حصوں کو تیار کیا گیا جن کو فیکٹری سے اریڈا منتقل کیا گیا، پرنٹنگ کے عمل میں 7 دن لگے اور جب ریلوے سٹیشن کے مختلف حصوں کو مکمل کر دیا گیا تو انہیں 24 مارچ کی شام تعمیراتی مقام پر پہنچا دیا گیا۔ سیرینڈکس نامی کمپنی نے پرنٹنگ کا عمل مکمل کیا۔

یہ بھی پڑھیں: جب مہاراجہ ہری سنگھ نے نیند میں خودکشی کی خواہش ظاہر کی اور محمد علی جناح کو سرینگر میں چھٹیاں گزارنے کی اجازت نہیں دی

روایتی تعمیر کے مقابلے میں 3 ڈی پرنٹنگ کے فوائد

اس کے شریک بانی کونی ہیرو ہانڈانے بتایا کہ روایتی طریقے سے ریلوے سٹیشن کی تعمیر کافی سست روی سے ہوتی ہے اور یہ کام مشکل بھی ہوتا ہے۔ انہوں نے بتایا کہ روایتی طریقے سے تعمیر کو مکمل کرنے میں متعدد مہینے لگ جاتے ہیں مگر 3 ڈی پرنٹنگ نے تعمیراتی کام کو برق رفتار کر دیا۔

یہ بھی پڑھیں: قائد اعظم پہلی دفعہ لاہور آئے تو اسی جگہ لینڈ کیا ، پاکستان کی جدید ترین سڑک روٹ 47 جہاں سے 1 میگا واٹ بجلی بھی پیدا کی جائے گی

تعمیراتی عمل کا اختتام

24 مارچ کی شب 11 بج کر 57 منٹ پر جب آخری ٹرین سٹیشن سے گزری تو ٹرک وہاں پہنچے اور مقامی افراد نے 3 ڈی پرنٹر سے تیار کردہ حصوں کو آپس میں جوڑ دیا۔ تاہم ابھی بھی یہ سٹیشن مسافروں کیلئے مکمل طور پر تیار نہیں، ٹکٹ مشینیں اور آئی ڈی کارڈ ریڈرز کی تنصیب باقی ہے۔